Marshall Sahlins

Marshall David Sahlins, nado en Chicago o 27 de decembro de 1930 e finado o 5 de abril de 2021, foi un antropólogo estadounidense.

Marshall Sahlins

(2003)
Biografía
Nacemento	(en) Marshall David Sahlins 27 de decembro de 1930 Chicago, Estados Unidos de América
Morte	5 de abril de 2021 (90 anos) Chicago, Estados Unidos de América
Educación	Universidade Columbia - Doutor en filosofía (–1954) Universidade de Míchigan - mestría en artes (–1952) Universidade de Míchigan - grao en Artes (–1951)
Actividade
Campo de traballo	Antropoloxía, Antropologia política (pt) e antropologia histórica (pt)
Ocupación	antropólogo, profesor universitario
Empregador	Universidade de Chicago (1973–) Universidade de Míchigan
Membro de	Academia Naciona de Ciencias dos Estados Unidos (Membro da Academia Nacional de Ciencias dos Estados Unidos) (1991–2013) Academia das Artes e das Ciencias dos Estados Unidos
Interesado en	Antropoloxía económica
Influencias	Karl Polanyi
Obra
Doutorando	David Graeber
Familia
Fillos	Peter Sahlins
Irmáns	Bernard Sahlins
Premios
(2011)  Honorary doctorate Paris Descartes University (en) (6 de novembro de 1998)  honorary doctorate of Paris Nanterre University (en) (1998)  Huxley Memorial Medal (en) (1977)  Premio Gordon J. Laing (1967)  Bolsa de estudos Guggenheim
Descrito pola fonte	Obálky knih,

Traxectoria

Doutorouse en Antopoloxía pola Universidade de Columbia. Nos anos 60 foi politicamente activo, participando en protestas contra a guerra de Vietnam e asinando o manifesto de escritores e editores norteamericanos polo que se negaban ao pagamento de impostos en sinal de protesta polo conflito bélico. Dende 1973 traballou na Universidade de Chicago, onde foi Profesor Emérito de Antropoloxía.

O seu traballo centrouse en demostrar o poder que ten a cultura para moldear a actuación das persoas á marxe da bioloxía. Deste xeito, os sistemas económicos adáptanse ás circunstancias particulares de cada cultura. Distingue entre dous tipos de evolución das sociedades, por un lado, unha evolución xeral, entendida como a tendencia dos sistemas sociais e culturais a incrementaren o seu nivel de complexidade, organización e adaptación ao ambiente. Mais, por outro, as comunidades humanas non están illadas, de xeito que interaccionan e difunden as súas competencias tecnolóxicas, acabando por se desenvolveren de distintos xeitos ao tempo que son introducidos estes elementos anovadores en combinacións diferentes e en distintas etapas.

En relación directa co anterior entra o cualificativo de sociedades opulentas co que describiu a certas sociedades mesolíticas. Fronte á visión tradicional de comunidades anguriadas pola procura permanente de alimentos nunha natureza hostil, Sahlins xulga unhas comunidades humanas plenamente adaptadas á contorna, eficaces nas súas estratexias de subsistencia e con moito tempo de lecer para atenderen as súas inquietudes intelectuais e de relacións sociais. Así, chega a afirmar que a evolución da cultura trae consigo un aumento da fame, así como unha diminución do tempo libre. Xa que logo, concibe a pobreza como un status social inventado polas sociedades modernas unha vez introducida unha diferenciación entre clases sociais.

Véxase tamén

Bibliografía

• Ripoll, S. et al (2011). Prehistoria. Las primeras etapas de la Humanidad. Editorial Universitaria Ramón Areces.

Ligazóns externas

• The Original Affluent SocietyArquivado 24 de xullo de 2019 en Wayback Machine., artigo de Marshall Sahlins sobre os cazadores-recolectores do Neolítico (en inglés).