Marcha sobre Roma

A marcha sobre Roma (en italiano Marcia su Roma) foi unha marcha organizada entre o 27 e o 29 de outubro de 1922 por Benito Mussolini, daquela dirixente do Partido Nacional Fascista, e que o levou ao poder do Reino de Italia. A marcha marca o final do réxime parlamentario e o comezo do réxime fascista, se ben o modo en que Mussolini se converteu en xefe de goberno estaba de acordo coa constitución italiana vixente, o Statuto Albertino. A ditadura entrou en vixencia máis adiante, co asasinato de Giacomo Matteotti e a prohibición de partidos da oposición.

Marcha sobre Roma
Marcia su Roma
Tipo	golpe de estado, manifestación e desfile
Localización
Localización	Roma e Reino de Italia
Lugar de chegada	Roma
41°53′35″N 12°28′58″L
Data
Data	outubro de 1922
Comezo	27 de outubro de 1922
Remate	30 de outubro de 1922
Implicados
Participante	Camisas negras e Partido Nacional Fascista (pt)
Contacto
Redes
[ Wikidata ]

Posición de Vítor Manuel III

Un momento da marcha sobre Roma.

Para disolver a ameaza que presentaban os fascistas que chegaban ao alfoz da cidade, o goberno do primeiro ministro Luigi Facta pediu o estado de sitio para Roma. Porén, o Rei Vítor Manuel III negouse a firmar a orde. Isto significou que non ordenaron ao exército opoñerse aos fascistas. Os motivos da negativa do monarca foron discutidos, suxeríndose as teorías de que temía perder o trono se rexeitaba cooperar cos fascistas, que quería evitar unha guerra civil, e que esperaba neutralizar os fascistas asociándoos ao goberno nacional.

Desenvolvemento da marcha

Os camisas negras, con Benito Mussolini á fronte.

Mussolini, seguro do seu control sobre os acontecementos, estaba decidido a non aceptar nada que non fose o control do goberno, e o 29 de outubro o rei pediulle que aceptase o posto de primeiro ministro e que formase un gabinete. Viaxando desde Milán en tren, Mussolini formou goberno en Roma o 30 de outubro. Preto de 25.000 camisas negras foron transportados á cidade, onde marcharon nun triunfante desfile cerimonial o 31 de outubro.

Véxase tamén

Ligazóns externas

• "Entrada en Roma do 30 de outubro", artigo no New York Times (en inglés).
• «O grande exército fascista disposto a entrar en Roma», artigo no New York Times (en inglés).