Manolo Sánchez Murias
Manuel Sánchez Murias, nado o 27 de novembro de 1976 en Xixón, é un exfutbolista e actual adestrador de fútbol español. Xogaba de dianteiro.
| Manolo Sánchez | |||
|---|---|---|---|
| Información persoal | |||
| Nome | Manuel Sánchez Murias | ||
| Nacemento | 27 de novembro de 1976 (47 anos) | ||
| Lugar de nacemento | Xixón | ||
| Altura | 1,77 m. | ||
| Posición | Dianteiro | ||
| Carreira sénior | |||
| Anos | Equipos | Aprs | (Gls) |
| 1996–1997 | Sporting B | ||
| 1997–2000 | Sporting de Gijón | 57 | (4) |
| 2000–2001 | Celta de Vigo | 7 | (1) |
| 2001–2002 | → Osasuna Cedido | 3 | (0) |
| 2002 | → Córdoba Cedido | 9 | (0) |
| 2002–2003 | → Numancia Cedido | 15 | (0) |
| 2003 | Celta de Vigo | 1 | (0) |
| 2003–2004 | → Tenerife Cedido | 14 | (0) |
| 2004–2005 | Celta de Vigo | 12 | (0) |
| 2005–2008 | Racing de Ferrol | 66 | (2) |
| Adestrador | |||
| 2008–2009 | Racing de Ferrol | ||
| 2011–2012 | Sporting B | ||
| 2012 | Sporting de Gijón | ||
|
Partidos e goles só en liga doméstica. [ editar datos en Wikidata ] | |||
Traxectoria editar
Como xogador editar
Comezou a xogar ao fútbol no Xixón industrial e no filial do Sporting de Xixón, debutaría no primeiro equipo o 11 de xaneiro de 1998 a partir do cal xogaría tódolos encontros da tempada, ao final da cal o equipo descendeu a Segunda División.
As dúas tempadas seguintes militou no equipo asturiano en Segunda, a pesar das lesións fixo moi bo final do segundo ano, polo cal o ficharía o Celta de Vigo no ano 2000
En Vigo comezou moi ben, sendo titular, pero na oitava xornada lesionariase de gravidade co cal non volveu xogar en toda a tempada. A partir de entón sucedéronse cesións a outros clubs, primeiro ao CA Osasuna sen moito éxito, despois Numancia de Soria en Segunda División.
No ano 2003-04 regresa a Vigo, onde non consegue facerse sitio no once inicial, disputando só un encontro. No mercado de inverno foi traspasado ao CD Tenerife, onde xogou 14 encontros.
Tras esa tempada o Celta descendeu a Segunda División e repescou a Manolo, xogou máis partidos que outros anos, 12, pero sen afianzarse no once titular. O seu último encontro co Celta sería coma titular o 12 de xuño de 2005 ante o SD Eibar no que o equipo se xogaba o ascenso.
Na tempada 2005-06 ficha polo Racing de Ferrol, en Segunda División B, e co que ascende a Segunda División na tempada seguinte.
Finalmente retírase no ano 2009 para converterse no adestrador do Racing de Ferrol.
Como adestrador editar
Na súa primeira experiencia como adestrador, no Racing de Ferrol non comezou con moi bo pé, pero a metade de tempada, estando a piques de cumprir o obxectivo marcado de meter ao equipo nos postos de ascenso a Segunda División, foi cesado. O seu substituto, Michel Alonso, lonxe de mellorar os rexistros empeorounos.
Despois desta mala experiencia volveu a Mareo, onde se formara como xogador, para facerse cargo de varios equipos da canteira do Sporting de Xixón ata que o 17 de maio de 2012 se anunciou que sería o novo adestrador do Sporting de Gijón para a tempada 2012–13 en Segunda División, en substitución de Javier Clemente.[1]. Porén a mala marcha do equipo, lonxe do ascenso, levou a que o equipo o destituíra aos dous meses de competición. Foi substituído por José Ramón Sandoval.[2]
Notas editar
- ↑ ""Javier Clemente concluye su relación con el Sporting; le sustituye Manolo Sánchez"". Arquivado dende o orixinal o 21 de maio de 2012. Consultado o 18 de maio de 2012.
- ↑ ""Sandoval, llega con humildad, trabajo e ilusión"". Arquivado dende o orixinal o 05 de outubro de 2013. Consultado o 28 de maio de 2013.