Manuel Aguirre de Tejada

Manuel Aguirre de Tejada O'Neal Eulato, nado en Ferrol o 28 de decembro de 1827 e finado en Madrid o 9 de abril de 1911, foi un avogado e político galego.

Manuel Aguirre de Tejada
Manuel Aguirre de Tejada, conde de Tejada de Valdeosera (Palacio del Senado de España).jpg
Nacemento28 de decembro de 1827 e 1829
Lugar de nacementoFerrol
Falecemento9 de abril de 1911 e 1911
Lugar de falecementoMadrid
NacionalidadeEspaña
Alma máterUniversidade de Madrid
Ocupacióndiplomático, político, avogado e xuíz
IrmánsPatricio Aguirre de Tejada
editar datos en Wikidata ]
Manuel Aguirre gravado por Arturo Carretero e publicado en 1888 en La Ilustración Española y Americana.

TraxectoriaEditar

Licenciado en Dereito pola Universidade de Madrid. Traballou na administración do antigo Consejo Real. Marchou a Cuba en 1854 co Capitán Xeneral Marqués da Habana, onde permaneceu ata que, nas eleccións de 1857, foi elixido deputado polo distrito de Ferrol representando á Unión Liberal. Volveu ser elixido deputado por Ferrol nas eleccións de 1858 e 1863; nas de 1865 foi elixido pola provincia da Coruña. En 1876 foi elixido senador pola Coruña, pasando ao ano seguinte a ser nomeado senador vitalicio e senador por Dereito Propio en 1903.

Logo da Revolución de 1868 pasou a militar no Partido Conservador e foi membro da comisión que redactou o proxecto de Constitución española de 1876.

Foi ministro de Ultramar entre o 18 de xaneiro de 1884 e o 27 de novembro de 1885, e ministro de Graza e Xustiza entre o 14 de decembro de 1895 e o 4 de outubro de 1897 en gobernos Cánovas. Estando ao fronte do ministerio de Graza e Xustiza, viviu o asasinato de Cánovas, baixo a presidencia de Azcárraga foi o encargado de sustanciar o proceso xudicial derivado do magnicidio.

Nomeado Conde de Tejada de Valdosera en 1875, foi tamén presidente do Tribunal do Contencioso Administrativo (1890), gobernador do Banco de España (1895) e embaixador extraordinario e plenipotenciario ante a Santa Sede.

Predecesor:
Estanislao Suárez Inclán
Ministro de Ultramar
1884-1885
Sucesor:
Germán Gamazo
Predecesor:
Francisco Romero
Ministro de Graza e Xustiza
1895-1897
Sucesor:
Alejandro Goizard


Véxase taménEditar

Outros artigosEditar

BibliografíaEditar

Ligazóns externasEditar