José García Barzanallana
José García Barzanallana y García de Frías, nado en Madrid o 24 de febreiro de 1819 e finado, tamén, en Madrid o 21 de febreiro de 1903, foi un avogado e político español, de familia asturiana, que foi ministro de Facenda durante o reinado de Afonso XII. Seu pai Juan García Barzanallana e seu irmán Manuel García Barzanallana tamén era facendistas coma el.
Nome orixinal | (es) José García Barzanallana |
---|---|
Biografía | |
Nacemento | (es) José García-Barzanallana y García de Frías 24 de febreiro de 1819 Madrid |
Morte | 21 de febreiro de 1903 (83 anos) Madrid, España |
Lugar de sepultura | Sacramental de San Lorenzo y San José |
Cargos | |
Ministro de Facenda | |
Período | 25 de xullo de 1876 - 11 de xullo de 1877 |
Antecesor | Pedro Salaverría |
Sucesor | Manuel de Orovio Echagüe |
Datos persoais | |
País de nacionalidade | España |
Educación | Universidade de Barcelona |
Actividade | |
Lugar de traballo | Madrid |
Ocupación | avogado e político |
Partido político | Partido Liberal-Conservador |
Membro de | |
Lingua | Lingua castelá |
Familia | |
Pai | Juan García Barzanallana (en) |
Irmáns | Manuel García Barzanallana (en) |
Traxectoria editar
Graduado en Dereito pola Universidade de Barcelona en 1839. Foi membro do Ateneo de Madrid, e secretario da institución en varias ocasións entre 1847 e 1850.[1]
A súa carreira política comezou en 1857 cando obtivo a súa acta de deputado por Teruel. Nos dous seguintes procesos electorais non saíu elixido polo que non volveu ao Congreso até 1864, cando obtivo un escano por Lugo e Teruel e , de novo, nas eleccións de 1867 por Alacant, Cuenca e Guadalaxara.[2] Máis tarde, en 1876, foi elixido senador por Lugo, e no ano seguinte (1877) pasou a ser senador vitalicio[3].
Entre o 25 de xullo de 1876 e o 11 de xullo de 1877, foi ministro de Facenda nun goberno presidido por Antonio Cánovas del Castillo, e no que o seu principal obxectivo foi a diminución do déficit e o control da Débeda[4], para o que creou varios impostos.
Durante a súa longa carreira na Administración Pública ocupou, entre outros, os cargos de Director de Aduanas, Impostos e Débeda, de presidente do Tribunal de Contas (1884), gobernador do Banco de España (1895 - 1897), e director da Compañía Arrendataria de Tabacos.
Tamén dirixiu o xornal madrileño El Tiempo, en 1870, e foi membro das academias de Ciencias Morais e Políticas[5] e da de Xurisprudencia e Lexislación.
Obras editar
- Lecciones de legislación de Aduanas (1850).
- Breves reflexiones sobre el comercio español y la renta de Aduanas (1854).
- La liga aduanera Ibérica (1862).
- La población de España (1872).
- Política comercial en España (1883).
- El Parlamento de Inglaterra (1883). Memoria leída na Academia de Ciencias Morais e Políticas.
- La contribución territorial en España (1884). Memoria leída na Academia de Ciencias Morais e Políticas.
- El establecimiento penal de la Nueva Caledonia (1884). Informe leído na Academia de Ciencias Morais e Políticas.
- La organización municipal de Londres (1884). Informe leído na Academia de Ciencias Morais e Políticas.
- Resumen de las actas de la Real Academia de Ciencias Morales y Políticas (1885)
- Los antiguos gremios (1889).
- La hacienda pública de Portugal en sus relaciones con la de España (1889). Memoria leída na Academia de Ciencias Morais e Políticas.
- La hacienda pública japonesa (1889). Memoria leída na Academia de Ciencias Morais e Políticas.
- La sal como materia imponible en España (1895). Capítulo de una obra en preparación, sobre "los principales impuestos durante el siglo actual en España"
Predecesor: Pedro Salaverría y Charitu |
Ministro de Facenda 1876-1877 |
Sucesor: Manuel Orovio Echagüe |
Notas editar
- ↑ Olmos, Víctor (2015). Ágora de la Libertad: Historia del Ateneo de Madrid (EPUB-DRM) . Vol. I (1820-1923). Madrid: La Esfera de los libros. ISBN 9788490604182.
- ↑ "Ficha no Congreso". congreso.es. Consultado o 29-11-2017.
- ↑ "Expediente personal do senador D. José García Barzanallana". senado.es. Consultado o 29-11-2017.
- ↑ Comín Comín, Francisco; Martín Aceña, Pablo; Vallejo Pousada, Rafael (2006). La Hacienda por sus ministros: la etapa liberal de 1845 a 1899. Col. Ciencias Sociales nº 55. Zaragoza: Prensas Universitarias de Zaragoza. p. 33. ISBN 84-7733-779-9.
- ↑ "Medalla nº28". Real Academia de Ciencias Morales y políticas. Arquivado dende o orixinal o 01-12-2017. Consultado o 28-11-2017.