Músculo grácil


O músculo grácil ou recto interno[1] é un músculo que se estende desde a rama inferior do pube e a rama do isquion até a tibia.

Grácil
Anterior Hip Muscles 2.PNG
Latín [TA]: musculus gracilis
Orixe {{{Orixe}}}
Inserción    sínfise púbica, músculos adutores longos e curtos e parte anterior da rama isquiopúbica; a partir destas, orixina un corpo en forma de cinta, situado na cara medial da coxa. O tendón rodea o cóndilo medial do fémur e insírese na parte superior da cara medial, xunto aos músculos sartorio e semitendinoso
Vascularización Arteria circunflexa femoral medial
Innervación Ramo anterior do nervio obturador
Accións Adución, flexión e rotación da cadeira

Insercións e constitución anatómicaEditar

  • Insercións superiores: lateral á sínfise púbica, no ángulo púbico, medial á inserción dos músculos adutores longos e curtos, no labio lateral, parte anterior da rama isquiopúbica.
  • Corpo muscular: a partir das insercións precedentes orixina un corpo fino, plano, en forma de cinta, situado na cara medial da coxa. O seu tendón longo e fino aparece no medio do corpo musculoso e rodea o cóndilo medial do fémur de atrás cara adiante.
  • Inserción inferior: despois de rodear o cóndilo medial da tibia, insírese na parte superior da súa cara medial, contribuíndo cos músculos sartorio e semitendinoso a formar a pata de ganso superficial[2].

RelaciónsEditar

A súa cara medial ou superficial está cuberta pola fascia lata e a pel na súa maior extensión. A cara lateral ou profunda está relacionada co bordo medial dos músculos adutores, o cóndilo medial do fémur e a tibia, na que a bolsa sinovial os separa do ligamento colateral tibial.

InnervaciónEditar

Recibe unha rama do nervio obturador (L2, L3, L4) que o penetra pola súa cara profunda, por riba da súa parte media.

VascularizaciónEditar

Varias arterias provenientes da arteria femoral ou da arteria circunflexa femoral medial irrigan o músculo.

FunciónEditar

Adución, flexión e rotación interna da cadeira


NotasEditar

  1. "bUSCatermos". aplicacions.usc.es. Arquivado dende o orixinal o 21 de maio de 2022. Consultado o 2022-05-21. 
  2. entradas, Fisiolution432 (2017-06-27). "Sindrome de pata de ganso". Fisiolution (en castelán). Consultado o 2022-05-21. 

Véxase taménEditar