Lourenzo Fernández Prieto
Lourenzo Fernández Prieto, nado en Vilagoíz (A Devesa, Ribadeo) o 28 de maio de 1961[Cómpre referencia], é un historiador galego. En 2021 foi elixido membro da Real Academia Galega[1], pasando no 2023 a ser membro de número[2].
 (2022)  | |
| Biografía | |
|---|---|
| Nacemento | 28 de maio de 1961 (63 anos) A Devesa, España |
| Educación | Universidade de Santiago de Compostela |
| Actividade | |
| Ocupación | historiador |
| Membro de | |
| Participou en | |
| 11 de xuño de 2018 | manifesto «Anovar o pacto constitucional» |
| Premios | |
    | |
Traxectoria
editarÉ catedrático de Historia Contemporánea da Universidade de Santiago de Compostela desde 2005. Foi secretario do IDEGA entre 1992 e 1995 e pertence ao seu Consello Científico. Elixido en varios períodos, desde 1986, membro do Claustro e da Xunta de Goberno da USC, así como do Consello Universitario de Galicia. Vicerreitor de relacións institucionais da USC entre 2007 e 2010. Na actualidade é director do departamento de Historia Contemporánea da universidade compostelá e membro do consello de administración da Editorial Galaxia. Colabora habitualmente en diversos medios de comunicación do país.
Especializado en Historia agraria e Historia do século XX, os seus ámbitos principais de traballo refiren á mudanza tecnolóxica, as mudanzas na sociedade rural contemporánea e a política da memoria.
Dirixe o Proxecto interuniversitario Nomes e Voces, dedicado á investigación da represión franquista en Galicia,[3] e o Grupo de historia agraria e política do mundo rural da USC (Histagra).[4]
A súa produción e actividade científica comprende máis dun cento de publicacións, así como o liderado de diversos proxectos e convenios de investigación. Ten participado en proxectos europeos dos programas STRIDE (mudanza tecnolóxica) e FAIR (propiedade comunal). No intervalo de 2005 a 2010 foi elixido vicepresidente da Sociedade Española de Historia Agraria.
Dende 1995, forma parte do General Board da rede europea ESTER (European School for Training in Economic and Social historical Research), responsábel da formación de estudantes de doutoramento.
En maio de 2010, concorreu con outros seis candidatos á reitoría da USC, proceso no que pasou á segunda volta.
O 3 de xuño de 2023 leu o discurso de ingreso como membro de número da RAG.[5]
Obra en galego
editarEnsaio
editar- A granxa agrícola-experimental da Coruña: 1888-1928. Contribución ao estudio experimental da renovación técnica da agricultura galega, Xunta de Galicia, Santiago de Compostela, 1988.
- Labregos con ciencia. Estado, sociedade e innovación tecnolóxica na agricultura galega, 1850-1939, Xerais, Vigo, 1992. ISBN 84-7507-645-9
- Facendo Historia con Memoria, Edicións tresCtres, Santiago de Compostela, 2010. ISBN 978-84-92727-06-3
- Informe de resultados. Vítimas Galicia (1936-1939), Meubook, Santiago de Compostela, 2010.
Obras colectivas
editar- Vocabulario de historia, Universidade de Santiago de Compostela, 1994.
- Actas do Congreso Internacional Poder Local, élites e cambio social na Galicia non urbana (1874-1936),Santiago de Compostela, 14-15 xuño 1996, Universidade de Santiago de Compostela, 1997.
- Terra e progreso. Historia agraria da Galicia contemporánea, Xerais, Vigo, 2000.
- Os montes veciñais en man común: o patrimonio silente. Natureza, Economía, identidade e democracia na Galicia rural, Xerais, Vigo, 2006.
- A gran historia de Galicia, La Voz de Galicia, 2007.
- Historia das historias de Galicia, Xerais, Vigo, 2016.
- 1936. O Estatuto esquecido, Guiverny, 2016.
- Golpistas e verdugos de 1936. Historia dun pasado incómodo, Galaxia, 2018 (ed. xunto con Antonio Míguez Macho).
Obra en castelán e inglés
editarEnsaio
editar- El apagón tecnológico del franquismo. Estado e innovación en la agricultura española del siglo XX, Tirant Lo Blanch, Valencia, 2007.
Obras colectivas
editar- AA.VV. (1991). Historia de Galicia (en castelán). Faro de Vigo. ISBN 84-404-9520-X..
- La sociedad rural en la España contemporánea: mercado y patrimonio (con Francisco Balboa). Ediciós do Castro, Sada, 1996. ISBN 84-7492-802-8
- Sombras de progreso. Las huellas de la Historia Agraria, Crítica, Barcelona, 2010.
- Contemporary Galician Studies. Between the Local and the Global, The Modern Language Association of America, Nova York, 2011.
- Agriculture in the Age of Fascism, Brepols, 2014.
- Otras miradas sobre el Golpe, la Guerra y la Dictadura. Historia para un pasado incómodo, Catarata, 2014.
Galardóns e recoñecementos
editar- Premio Losada Diéguez de investigación en 1993, por Labregos con ciencia.
- Premio da Crítica de Galicia (en investigación) en 1993.
Notas
editar- ↑ "A RAG nomea académico de número o historiador Lourenzo Fernández Prieto". Nós Diario. 27/3/2021.
- ↑ "O historiador Lourenzo Fernández Prieto ingresa o 3 de xuño na RAG como membro de número". Real Academia Galega. 2023-05-23. Consultado o 2023-05-24.
- ↑ "Proxecto interuniversitario Nomes e Voces". Arquivado dende o orixinal o 17 de setembro de 2021. Consultado o 02 de agosto de 2021.
- ↑ Grupo de Historia Agraria e Política do Mundo Rural USC.
- ↑ "Lourenzo Fernández Prieto ingresa na RAG reivindicando a memoria silenciada como fonte para escribir a historia". Real Academia Galega. 2023-06-03. Consultado o 2023-06-04.