Lou Andreas-Salomé
Lou Andreas-Salomé, nada como Louise von Salomé en San Petersburgo en 1861 e finada en Göttingen en 1937, foi unha intelectual ruso-alemá.
  | |
| Biografía | |
|---|---|
| Nacemento | 1861 San Petersburgo  Rusia |
| Morte | 1937 Göttingen  Alemaña |
| Causa da morte | Morte natural (Insuficiencia renal ) |
| Lugar de sepultura | Cemiterio municipal de Gotinga |
| Datos persoais | |
| País de nacionalidade | Rusa  Alemá  |
| Educación | Saint Peter's School (en)  |
| Actividade | |
| Campo de traballo | Ensaio |
| Ocupación | Intelectual |
| Profesores | Sigmund Freud |
| Influencias | |
| Lingua | Lingua rusa, lingua francesa, lingua alemá e lingua neerlandesa |
| Familia | |
| Cónxuxe | Friedrich Carl Andreas (1887–) |
| Parella | Rainer Maria Rilke |
Sinatura  | |
     | |
Traxectoria editar
Filla dun xeneral do exército ruso de orixe alemá, estudou na Universidade de Zürich, unha das poucas que admitía mulleres. Alí realizou estudos comparativos de relixión e cursos de filoloxía, filosofía e historia da arte. En 1882 viaxa a Roma e coñece, mentres se recuperaba dunha grave enfermidade, a Malwida von Maysenburg, coñecida polo seu feminismo e os seus salóns literarios. Alí faise amiga do escritor Paul Rée, amigo de Nietzsche, cos que proxecta a creación dunha comuna literaria que nunca se faría realidade.
Casou co lingüista Carl Friedrich Andreas, logo que este a ameazase con suicidarse, pero nunca consumou o matrimonio. Residiu en Göttingen dende 1903, onde o seu home era catedrático.
Foi amiga de grandes intelectuais como Rainer Maria Rilke ou Sigmund Freud, de quen foi discípula. Tras a primeira guerra mundial dedicouse á terapia psicanalítica. En 1885 publicou a súa primeira novela, Im Kampf um Gott ("Na loita por Deus").