Abrir o menú principal

Lluís Domènech i Montaner, nado o 21 de decembro de 1850 e finado o 27 de decembro de 1923, foi un político e arquitecto catalán que destacou polas súas obras edificadas en estilo modernista catalán.

Lluís Domènech
DomenechiMontaner1915.jpg
Nacemento21 de decembro de 1850, 21 de decembro de 1849 e 30 de decembro de 1849
 Barcelona
Falecemento27 de decembro de 1923
 Barcelona
NacionalidadeEspaña
Alma máterUniversidade de Barcelona
Ocupaciónarquitecto, profesor e político
FillosPere Domènech i Roura
Coñecido/a porCastelo dos Tres Dragóns, Casa Lleó Morera, Palau de la Música Catalana e Hospital de la Santa Creu i Sant Pau
editar datos en Wikidata ]

Índice

TraxectoriaEditar

Naceu en Barcelona e aínda mozo manifestaría o seu interese pola arquitectura. Estudou a carreira de arquitectura, ocupando posteriormente unha cátedra no Colexio de Arquitectura de Barcelona. Desde ese cargo exerceu unha influencia considerábel sobre como debía ser o modernismo en Cataluña. Escribiu un artigo titulado En busca d’una arquitectura nacional, publicado na revista La Renaixença (O Renacemento), que marcou o camiño cara a unha arquitectura moderna e nacional catalá.

PolíticoEditar

En 1892 presidiu a asemblea que redactou as Bases de Manresa, documento que puña os alicerces para a devolución das Constitucións catalás.

ArquitectoEditar

Como arquitecto, Domènech realizou edificios nos que se combina unha racionalidade estrutural con elementos ornamentais extraordinarios, inspirados nas correntes arquitectónicas hispano-árabes e nas liñas curvas propias do modernismo. No actual Museo de Zooloxía, construído orixinariamente como restaurante (El Castell dels Tres Dragons: O Castelo dos Tres Dragóns) con motivo da Exposición Universal de 1888, en Barcelona, Domènech utilizou estruturas de ferro a vista e cerámica, técnica que máis tarde, en 1908, perfeccionaría no Palau de la Música Catalana' (Pazo da Música Catalá). Este edificio, e os que proxectou posteriormente, incorporan unha profusión de mosaicos, cerámicas e vidro, policromados, dispostos con exquisita harmonía, que lles confiren un aspecto grandioso.

Contrariamente a outros arquitectos do modernismo, Domènech tendeu co paso do tempo a realizar edificios máis lixeiros, eliminando material nas estruturas, pero mantendo a ornamentación como elemento de primeira orde.

Domènech i Montaner faleceu en Barcelona aos 73 anos de idade.

Obras destacadasEditar

 
Palau de la Música Catalana, Barcelona. Entrada

Outras obras importantesEditar

  • Casa Fuster (Barcelona).
  • Casa Lamadrid (Barcelona).
  • Casa Lleó Morera (Barcelona).
  • Casa Thomas (Barcelona).
  • Museo de Zooloxía (Barcelona).
  • Editorial Montaner i Simón (Barcelona).
  • Pazo Ramon Montaner (Barcelona).
  • Ateneo Obreiro (Canet de Mar, Barcelona).
  • Castelo de Santa Florentina (Canet de Mar, Barcelona).
  • Casa Roure (Ca la Bianga) (Canet de Mar, Barcelona).
  • Restaurante La Misericòrdia(Canet de Mar, Barcelona).
  • Casa Solà Morales (Olot, Xirona).
  • Casa Gasull (Reus, Tarragona).
  • Casa Navàs (Reus, Tarragona).
  • Casa Rull (Reus, Tarragona).
  • Instituto Pere Mata (Reus, Tarragona).
  • Grand Hotel (Palma).
  • Cemiterio de Comillas (Cantabria).
  • Fonte dos Tres canos (Comillas, Cantabria).
  • Universidade Pontificia (Comillas, Cantabria).