Li Lienfung
Li Lienfung, nada en Shanghai o 8 de maio de 1923[1] e finada o 3 de agosto de 2011[2], foi unha química e escritora singapuriana. Foi unha escritora bilingüe en inglés e chinés, coñecida polas súas obras de teatro, relatos e pola súa columna xornalística "Bamboo Green".
| Biografía | |
|---|---|
| Nacemento | 8 de maio de 1923  Shanghai, República Popular da China |
| Morte | 3 de agosto de 2011 (88 anos) Hospital da Universidade Nacional de Singapur |
| Educación | Mills College Universidade Cornell |
| Actividade | |
| Ocupación | química, escritora |
| Familia | |
| Cónxuxe | Ho Rih Hwa |
| Fillos | Ho Kwon Ping |
Traxectoria
editarO seu pai, Li Kuo Ching, deixou a familia e foi traballar aos Estados Unidos de América, e a nai -que non podía viaxar alá- quedou coidando da familia na China.[3] Cando a China foi invadida polo Xapón en 1937 mudáronse a Hunan, e despois a Hong Kong.[1]
En 1940 comezou os seus estudos no Mills College (Oakland, California), onde se graduou en Química.[1] Comezou a traballar nunha planta de esmaltado de aluminio en Nova Jersey como asistente de laboratorio.[4] Comezou a estudar química orgánica no Instituto de Tecnoloxía de Massachusetts (MIT), pero pasou á Universidade Cornell, onde rematou en 1946 un mestrado en Literatura Popular Chinesa.[4][5]
En xullo de 1946 casou con Ho Rih Hwa, tamén estudante de Cornell.[1] Por entón reconciliouse co seu pai[1] En 1948 o seu pai conseguiulle traballo en Bangkok analizando mineral de volframio, que el exportaba comerciando a través da Wah Chang Corporation.[4][1] En 1949 a familia mudouse a Yangon.[1] Despois, Li axudou o seu pai a establecer fábricas de tapioca e outros proxectos relacionados coa industria alimentaria.[4] Logo de ser nai en 1952 Li regresou á empresa, da que chegou a ser vicepresidenta.[1] O seu marido foi nomeado embaixador de Singapur en Tailandia en 1967.[4] Despois foi destinado a varios países de Europa, onde viviron até que a comezos da década de 1970 se estableceron en Singapur.[4]
Recoñecementos
editarEn 2014 foi incluída no Salón da Fama das Mulleres de Singapur.[3]
Vida persoal
editarTivo unha filla e dous fillos, a escritora Minfong Ho[6], o empresario Ho Kwon Ping[7] e o empresario Kwon Cjan.[4]
Obra
editarEn 1971 publicou a obra de teatro The Sword Has Two Edges, versión cómica da novela histórica do século XIV San Guo Shi Yan Yi ("O romance dos tres reinos").[5] D. Murugan, membro do Grupo de Teatro Experimental, levou adiante a representación da obra en 1977[8][5].
Entre 1979 e 1984 publicou a columna "Bamboo Green", en inglés e chinés, na publicación The Straits Times.[9] En 1986 publicouse A Joss Stick for My Mother, antoloxía das columnas.[3] Li retomou o proxecto entre 1993 e 1998.[9][2] A columna levaba á poboación de Singapur a historia, literatura e cultura da China.[9] Entre 1998 e 2008 Li escribiu unha columna en chinés na publicación Lianhe Zaobao.[2]
- The Sword Has Two Edges (teatro, 1971)
Notas
editar- ↑ 1,0 1,1 1,2 1,3 1,4 1,5 1,6 1,7 Chua, Alivin. "Li Lienfung". Infopedia Singapore. National Library Board Singapore. Consultado o 28 de novembro de 2017.
- ↑ 2,0 2,1 2,2 Lim, David (5 de agosto de 2011). "Bilingual writer Li Lienfung dies at 88". Asia One. Consultado o 28 de novembro de 2017.
- ↑ 3,0 3,1 3,2 3,3 "Li Lienfung". Singapore Women's Hall of Fame (en inglés). Consultado o 3 de abril de 2022.
- ↑ 4,0 4,1 4,2 4,3 4,4 4,5 4,6 Stevenson, Sarah (31 de marzo de 2011). "Around the World in 80 Years". Mills Quarterly 99. pp. 14–15.
- ↑ 5,0 5,1 5,2 Mahbubani, Gretchen (8 de marzo de 1980). "The woman behind 'The Sword'". The Straits Times. Consultado o 29 de novembro de 2017.
- ↑ Koh, Tai Ann (2012). "Ho Minfong". En Suryadinata, Leo. Southeast Asian Personalities of Chinese Descent: A Biographical Dictionary, Volume I & II (en inglés). Institute of Southeast Asian Studies. p. 340. ISBN 9789814345217.
- ↑ Tan, Kevin Y.L. (2012). "Ho Kwon Ping". En Suryadinata, Leo. Southeast Asian Personalities of Chinese Descent: A Biographical Dictionary, Volume I & II (en inglés). Institute of Southeast Asian Studies. p. 336. ISBN 9789814345217.
- ↑ Tan, Corrie (22 de xullo de 2014). "One of Singapore’s first English political plays, Are You There, Singapore?, might never have seen light of day". The Straits Times (en inglés). Consultado o 29 de novembro de 2017.
- ↑ 9,0 9,1 9,2 Lee, San Chouy (26 de xullo de 1993). "Li's Personal Glimpses". The Straits Times. Arquivado dende o orixinal o 01 de decembro de 2017. Consultado o 28 de novembro de 2017.
- ↑ Fan, Yi Fu (17 de decembro de 1981). "Play highlights problems of aged in modern society". The Straits Times. Consultado o 29 de novembro de 2017.