Lagostelle, Guitiriz
San Xoán de Lagostelle é unha parroquia que se localiza ó oeste do concello de Guitiriz, onde radica a súa capital, homónima do concello. Segundo o IGE en 2012 tiña 1.972 habitantes (1.010 mulleres e 962 homes) distribuídos en 20 entidades de poboación, o que supón unha diminución en relación ao ano 1999 cando tiña 1.978 habitantes.
| San Xoán de Lagostelle | |
|---|---|
 Igrexa parroquial. | |
 | |
| Concello | Guitiriz[1] |
| Provincia | Lugo |
| Coordenadas | 43°10′52″N 7°53′37″O / 43.1811221, -7.8936052 |
| Poboación | 2.181 hab. (2020) |
| Entidades de poboación | 20[1] |
| [ editar datos en Wikidata ] | |
Historia
editarEn 1898 constituíuse a nova parroquia de Santa Mariña de Lagostelle, segregándose os seus lugares de Lagostelle.[2]
Patrimonio
editarNesta parroquia hai varias construcións relixiosas e civís de interese. A igrexa parroquial, a máis moderna (anos 60) do Sagrado Corazón de María, a de Pardiñas, o Hotel Balneario Guitiriz con capela mesquita e campo de golf.
Corre a lenda de que nesta parroquia existiu unha vila que quedou asolagada como castigo á súa falta de xenerosidade coa Sagrda Familia. Chamábase Boedo e o seu lugar está agora ocupado polo Pozo das Campás.
Resulta que cando a Sagrada Familia andaba polo mundo buscando acubillo foi dar coa aldea de Boedo. Foron pedindo comida e teito de porta en porta sen que ninguén lles dese nada e mesmo un zapateiro impío os escorrenta botándolles unha forma. Xa saíndo do lugar, petaron na porta da casa máis vella e pobre do lugar, e saíulles unha velliña que os acolleu aínda que non podía darlles nada de comer porque non tiña nin para os seus fillos. A Virxe tranquilizouna e díxolle que lle fixera unha bola de pan coa cinsa da lareira, e moito tivo que insistir porque a señora non quería facer algo tan absurdo, pero terminou facendo a bola e meténdoa no forno a cocer. Pasado o tempo foi sacar a bola e veu, asombrada, que era unha fermosa bola de pantrigo. A Virxe engadiu que, como castigo, a cidade de Boedo estaba anegada e que por culpa dun malo, Deus destrúe unha cidade. Durante moito tempo escoitábase o tanxer das campás na lagoa, que tomou o nome de Pozo das Campás ata que veu un cura e esconxurou o lugar, e deixaron de escoitarse ruídos.[3][4]
Galería de imaxes
editar-
Igrexa do Sagrado Corazón de María. -
Reloxo de sol fronte á Casa do Concello. -
Hórreo no Sanguiñedo. -
Lateral da Igrexa románica de San Xoán de Lagostelle. -
Pequena mesquita do Balneario de Guitiriz.
Lugares e parroquias
editarLugares de Lagostelle
editar| Lugares da parroquia de Lagostelle no concello de Guitiriz | |
|---|---|
|
O Acevedo | Amariz | Ansede | Arxá | Barreiro | Belote | Cabanacomba | Cezar | Escádebas | Gomelio | Guitiriz | A Landoeira | Os Liñares | Pardiñas | O Pazo | O Penedo | O Sanguiñedo | Senande | Sesulfe | A Torre |
Parroquias de Guitiriz
editarNotas
editar- ↑ 1,0 1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
- ↑ "Sta Mariña de Lagostelle". Concello de Guitiriz. Arquivado dende o orixinal o 22 de decembro de 2018. Consultado o 28 de decembro de 2018.
- ↑ González Reboredo, Xosé Manuel: Lendas galegas de tradición oral, Galaxia, Vigo 1983, 97.
- ↑ Xoán R. Cuba, Antonio Reigosa e Xosé Miranda: Dicionario dos seres míticos galegos, s. v. Boedo, Xerais 2004.