Lago Van

Lago Van
Tipo	Lago salgado; atracción turística; soda lake (en) ; tectonic lake (en)
Localización
País da cunca	Turquía
División administrativa	Provincia de Van, Turquía e Bitlis, Turquía (pt)
	38°38′00″N 42°49′00″L / 38.633333333333, 42.816666666667
Afluentes	Ankyusner (en) ,Berkri (en) ,Garala (en) ,Hoşap Suyu (en) ,Delicav (en) ,Artske (en) ,Artshesh (en) ,Gayl (en)
Características
Altitude	1.640 m
Profundidade	171 m
Dimensións	80 () × 120 () km ;
Perímetro	5.764 km
Superficie	3.755 km²
Superficie da cunca hidrográfica	12.500 km²
Medicións
Salinidade	23 ‰
Volume físico	607.000 hm³

O lago Van (en lingua turca : Van Gölü; en armenio: Վանա լիճ; en kurdo: Gola Wanê; en latín: Arsissa Palus) é o maior lago de Turquía, sito na Armenia occidental, no extremo leste do país, e que está repartido entre a provincia de Van e a de Bitlis. Ocupa unha área de 3.755 km².

Características

É un lago salgado de orixe volcánica, sen emisores, pero que recibe as augas de numerosos e curtos cursos que descenden desde as montañas circunveciñas. Ten 120 km de lonxitude e 80 km de longo, cunha profundidade media de 171 m (451 m de máxima).^[1] A súa superficie é de 3755 km² Esta sito a unha altitude de 1640 m.s.n.m.. Xunto co lago Sevan e o lago de Orumieh é un dos tres grandes lagos do antigo reino da Armenia, ditos os mares da Armenia.

Topografía

A saída do lago foi obstruída durante o Plistoceno, cando as coadas de lava provenientes do volcán Nemrut bloquearon a saída que existía no oeste, cara á chaira de Muş. Hoxe durmido, o Nemrut érguese próximo á beira oeste do lago. Outro volcán, tamén durmido, o Suphan Daği, domina a ribeira norte do lago.

Características da súa auga

A auga do Van é fortemente alcalina e rica en carbonato de sodio e noutros sales, que son extraídos por evaporación e utilizados como deterxentes. O darekh, unha especie de arenque, que se captura nas inundacións primeverais, dáse cerca da desembocadura das correntes que alimentan o lago e é o único peixe que pode sobrevivir nestas augas salgadas.

Turismo

Lugar de "veraneo" no lago Van, preto de Edremit.

É un lugar de veraneo e recreo, principalmente rexional. Hai praias de area, ben servidas por transportes e accesibles por medio dunha estrada circular, que comezan a seren frecuentadas desde mediados do mes de maio. A auga é clara e de alta densidade, agradable para baño. Os bordos son frecuentemente pouco profundos. As principais localidades na súa beira están enlazadas por barquiños. Un transbordador fai o traxecto entre Van e Tatvan.

Illa de Aghtamar (ou Akdamar)

Na parte meridional do lago, no concello de Gevaș (a 44 km de Van, ao pé do monte Artos), levántase a illa de Aghtmar, a unha distancia de entre 1.500 e 2000 m da beira do lago. Hai barcos a motor que van até a illa, que está deserta e goza dun microclima particular, e ten vexetación arbustiva.

Notas

↑ (en inglés) E.T. Degens, H.K. Wong, S. Kempe et F. Kurtman, « A geological study of Lake Van, eastern Turkey », dans International Journal of Earth Sciences, vol. 73.2 (juin 1984), Springer.

Véxase tamén

Ligazóns externas

Lago de Van

[1] (en inglés) E.T. Degens, H.K. Wong, S. Kempe et F. Kurtman, « A geological study of Lake Van, eastern Turkey », dans International Journal of Earth Sciences, vol. 73.2 (juin 1984), Springer.

[1]