La Rambla, Córdoba

Para a rúa barcelonesa véxase: La Rambla.

La Rambla é un concello español da provincia de Córdoba, en Andalucía. Atópase na Campiña Sur, a 358 metros de altitude e a 41 km de Córdoba. En 2015 tiña 7547 habitantes.

La Rambla, Córdoba

Localización
37°36′22″N 4°44′23″O
Estado	España
Comunidade autónoma	Andalucía
Provincia	Córdoba
Capital	La Rambla (Córdoba) (en)
Poboación
Poboación	7.473 (2023) (54,23 hab./km²)
Xeografía
Parte de	Q100593643 Q107553377 Campiña Sur (en)
Superficie	137,8 km²
Altitude	358 m
Comparte fronteira con	Montilla San Sebastián de los Ballesteros Córdoba Fernán-Núñez Montemayor La Victoria Santaella La Carlota Montalbán de Córdoba Guadalcázar
Organización política
• Alcalde	Juan Jimenez Campos (en)
Identificador descritivo
Código postal	14540
Fuso horario	UTC+01:00
Código INE	14057
Sitio web	aytolarambla.org

Historia

Sobre o lugar que ocupa La Rambla asentouse un poboado prehistórico no lugar chamado La Minilla, onde hai algúns anos acháronse uns vasos campaniformes con máis de 3000 anos. Posteriormente asentaríase unha cidade romana que amurallaría a poboación e sobre esta os musulmáns fundarían Al-Ramla (que significa areal). En 1480 a tenencia do seu castelo foi outorgada a Gonzalo Fernández de Córdoba, "O Gran Capitán".

Pero o 6 de febreiro de 1521 La Rambla viviu o acontecemento histórico máis importante durante o reinado de Carlos I, ao reunirse nela as cidades anticomuneiras de Andalucía para ratificar ao Rei. La Rambla era vila de reguengo pertencente á xurisdición de Córdoba. En 1647 Filipe IV permítelle nomear alcalde maior, pero cinco anos máis tarde a entrega ao Conde-Duque de Olivares, cuxo herdeiro, o marqués de El Carpio, véndea en 1677 aos marqueses de Almodóvar, máis tarde señores de La Rambla.

En La Rambla o 4 de marzo de 1864 naceu Alejandro Lerroux, que ocupou a presidencia do goberno durante un breve período da Segunda República Española.

Economía

A súa principal fonte de riqueza segue sendo a agricultura, aínda que destaca a incipiente e próspera industria oleira, con máis de 110 fábricas que distribúen os seus produtos por todo o mercado nacional, e, de maneira progresiva vaise incorporando ao mercado internacional.

Pero, aínda sendo a industria oleira a máis importante, non é a única, conta o municipio de La Rambla cunha moderna fábrica de fariña, das máis grandes de España, outras de maquinaria agrícola, e as cooperativas olivareira. Contaba ata fai moi pouco cunha cooperativa vitivinícola actualmente en liquidación.

Está a verse un pulo elevado de empresas do moble, cunhas 40 industrias. Centros comerciais especializados en artigos de agasallo fan de La Rambla un gran centro comercial da comarca.

Lugares de interese

Torre das Monxas

• Igrexa parroquial da Nosa Señora da Asunción
• Igrexa da Santísima Trindade
• Castelo de La Rambla
• Ermida da Inmaculada Concepción
• Igrexa do Espírito Santo
• Ermida do Calvario
• Torre das Monxas
• Casa Museo Alfonso Ariza
• Museo da Cerámica

Véxase tamén

Ligazóns externas

• Sitio web do concello