Korocha

Korocha (en ruso Короча) é unha cidade e municipio do suroeste de Rusia, no óblast de Belgorod.

Igrexa da Natividade da Benaventurada Virxe María en Korocha

Xeografía

Está situada na marxe dereita do río homónimo, a 57 km ao nordeste de Belgorod. A unha altitude de 150 msnm, ocupa unha superficie de 5 km². No ano 2018 contaba cunha poboación de 5 853 habitantes, polo que a súa densidade de poboación, nese ano, era de 1 170,6 hab./km².

Historia

Foi fundada o ano 1637.

Desde a primeira metade do século XVII había en Corocha unha pequena fortaleza rusa. O seu desenvolvemento creceu a partir de 1638 polo establecemento da liña de defensa Belgorod-Tambov-Simbirsk contra os tártaros de Crimea. Daquela era a fronteira sur do Imperio Ruso. A cidade chamouse ao principio Krasner Gorod na Koroche, e logo só Korocha. Recibiu o status de cidade en 1708.

Até os comezos do século XX Korocha era unha das principais cidades da rexión, pero empezou a perder importancia.

Durante a Segunda Guerra Mundial foi ocupada pola Wehrmacht o 1 de xullo de 1942, sendo liberada polo Exército Vermello o 7 de febreiro de 1943.