Koke Vegas
Jorge Ruiz Ojeda, nado o 27 de setembro de 1995 en Antequera, é un futbolista español, que xoga de gardameta no Rhode Island FC, do USL Championship.
| Koke Vegas | |||
|---|---|---|---|
| Información persoal | |||
| Nome | Jorge Ruiz Ojeda | ||
| Nacemento | 27 de setembro de 1995 (28 anos) | ||
| Lugar de nacemento | Antequera | ||
| Altura | 1,88 m. | ||
| Posición | Gardameta | ||
| Información de club | |||
| Club actual | Rhode Island FC | ||
| Número | 1 | ||
| Carreira xuvenil | |||
| Antequera | |||
| Málaga | |||
| Sevilla | |||
| Puerto Malagueño | |||
| Antequera | |||
| Carreira sénior | |||
| Anos | Equipos | Aprs | (Gls) |
| 2011 | Antequera | 2 | (0) |
| 2013–2015 | Espanyol B | 19 | (0) |
| 2015–2017 | Levante B | 41 | (0) |
| 2016–2021 | Levante | 6 | (0) |
| 2017–2018 | → Alcoyano (cedido) | 9 | (0) |
| 2019–2020 | → Deportivo da Coruña (cedido) | 0 | (0) |
| 2021 | → Mallorca (cedido) | 1 | (0) |
| 2022–2023 | San Diego Loyal | 63 | (0) |
| 2023– | Rhode Island FC | 0 | (0) |
|
Partidos e goles só en liga doméstica. Club: actualizado a 12 de febreiro de 2024. [ editar datos en Wikidata ] | |||
Traxectoria editar
Comezos editar
Naceu en Antequera o 27 de setembro de 1995, sendo fillo do exfutbolista Kiko Vegas, porteiro entre outros clubs do CD Málaga nos anos 80.[1] Seguiu os pasos de seu pai e formouse como gardameta de fútbol na canteira do Antequera da súa vila natal, pasando tamén polas categorías inferiores doutros clubs andaluces como o Málaga CF ou o Sevilla. En abril de 2011, con só 15 anos, debutou co primeiro equipo do Antequera na Terceira División, nun partido ante o Huétor Tájar.
Espanyol editar
Ese mesmo ano, despois de realizar probas co Villarreal e o Aston Villa, ingresou no equipo xuvenil do Espanyol.[2] En 2013 subiu ao Espanyol B, da Segunda División B, categoría na que debutou o 6 de abril de 2014 nun partido ante o Hospitalet. Na tempada 2014/15 disputou 16 partidos co filial.
Levante editar
A continuación fichou por outro filial, o Atlético Levante, da mesma categoría. Foi titular na maioría de partidos da tempada 2015/16, contribuíndo a lograr a permanencia. O 4 de setembro de 2016 debutou co primeiro equipo do Levante na Segunda División, nun partido ante o Gimnàstic de Tarragona.[3]
Para a campaña 2017/18 saíu cedido ao Alcoyano, de Segunda B, pero foi recuperado polo Levante no mercado invernal para substituír no primeiro equipo ao australiano Mitch Langerak, traspasado ao Xapón.[4] Debutou na Primeira División na derradeira xornada de liga, fronte ao Celta de Vigo en Balaídos, encaixando catro goles (4-2).[5] Na seguinte tempada foi o terceiro porteiro do equipo, por detrás de Oier Olazábal e Aitor Fernández, sumando só un partido, de novo na última xornada.
Para a tempada 2019/20 foi cedido ó Deportivo da Coruña, da Segunda División.[6] No club galego continuou sen apenas oportunidades, sendo titular indiscutible o vigués Dani Giménez, polo que participou só en dous partidos da Copa do Rei, fronte a Illueca e Unionistas.
O 31 de xaneiro de 2020 foi repescado polo Levante, trala marcha de Oier do club valenciano rumbo ao Espanyol.[7] Inicialmente era o segundo porteiro do equipo por detrás de Aitor Fernández, pero acabou sendo a terceira opción do adestrador Paco López trala irrupción de Dani Cárdenas. Por este motivo, en febreiro de 2021 foi cedido ao Mallorca, de Segunda, onde xogou só o partido da última xornada, co equipo de Luis García xa ascendido. No verán de 2021 o seu contrato co Levante foi rescindido.[8]
Estados Unidos editar
Despois de cinco meses sen equipo e de ter disputado só oito partidos nos últimos catro anos e medio, en febreiro de 2022 decidiu probar sorte no fútbol dos Estados Unidos, asinando como novo xogador do San Diego Loyal, do USL Championship, segunda categoría do país.[9] Ás ordes do histórico exfutbolista Landon Donovan, fíxose inmediatamente coa titularidade e acadou os play-offs da liga dous anos seguidos. Xogou un total de 65 partidos oficiais co club californiano e o 22 de outubro de 2023 participou no derradeiro encontro da historia do club, fronte ao Phoenix Rising FC.[10]
Trala desaparición do Loyal, en novembro de 2023 converteuse na primeira fichaxe da historia do Rhode Island FC, club de nova creación adestrado polo antigo internacional bermudense Khano Smith.[11]
Notas editar
- ↑ "Koke Vegas, un portero cofrade de Primera" (en castelán). 27 de maio de 2018. Consultado o 12 de febreiro de 2024.
- ↑ "Koke Vegas, un futuro prometedor" (en castelán). 15 de maio de 2011. Consultado o 12 de febreiro de 2024.
- ↑ "El Levante deja escapar al final los primeros puntos". Marca (en castelán). 4 de setembro de 2016. Consultado o 12 de febreiro de 2024.
- ↑ "El Levante recupera al guardameta Koke Vegas tras la salida de Langerak" (en castelán). 16 de xaneiro de 2018. Consultado o 12 de febreiro de 2024.
- ↑ "El día que Vegas vio a al malagueño Koke cumplir su sueño" (en castelán). 19 de maio de 2016. Consultado o 12 de febreiro de 2024.
- ↑ "Koke Vegas, portero del Levante, llega cedido al Deportivo". La Vanguardia (en castelán). 16 de xullo de 2019. Consultado o 12 de febreiro de 2024.
- ↑ Sancho de Rosa, Luis (31 de xaneiro de 2020). "El Levante recupera a Koke Vegas del Deportivo". As (en castelán). Consultado o 12 de febreiro de 2024.
- ↑ "El Levante rescinde el contrato de Koke Vegas" (en castelán). 31 de agosto de 2021. Consultado o 12 de febreiro de 2024.
- ↑ Picó, Diego (11 de febreiro de 2022). "Koke Vegas se lanza a la aventura americana". Marca (en castelán). Consultado o 12 de febreiro de 2024.
- ↑ Tripp, Darnay (23 de outubro de 2023). "San Diego Loyal's impactful four-year run ends with 4-3 playoff loss to Phoenix Rising" (en inglés). Consultado o 12 de febreiro de 2024.
- ↑ "Rhode Island FC Signs First Player Ahead of Inaugural Season" (en inglés). 1 de novembro de 2023. Consultado o 12 de febreiro de 2024.
Véxase tamén editar
Ligazóns externas editar
- Datos do xogador en LaPreferente.com (en castelán)