Kenneth Jonsson
Kenneth Jonsson, nado en 1950 en Filipstad, no condado de Värmland, é un arqueólogo e numismático sueco especializado na época medieval.[1][2]
| Biografía | |
|---|---|
| Nacemento | 1950 Filipstad, Suecia (pt)   |
| Datos persoais | |
| País de nacionalidade | Sueca. |
| Educación | Universidade de Lund |
| Q89547790 | Estudos de numismática medieval. |
| Actividade | |
| Campo de traballo | Numismática |
| Ocupación | arqueólogo , numismático |
| Membro de | |
| Lingua | Lingua sueca |
| Premios | |
| - (1987) Medalla Elias Brenner (SNS). - (1998): Medalla Gunnar Holst. | |
Traxectoria
editarLogo da súa graduación na Universidade de Lund en 1973, Kenneth Jonsson acadou o seu doutoramento en 1987 baixo a dirección de Brita Malmer na Universidade de Estocolmo, coa tese titulada The new era: the reformation of the late Anglo-Saxon coinage, na que aborda a reforma monetaria de Inglaterra ca. 973.[1][2]
Entre 1988 e 1992 traballou como asistente de investigación no Consello de Investigación en Humanidades e Ciencias Sociais (Humanistisk-samhällsvetenskapliga forskningsrådet).[1]
Posteriormente traballou no Gabinete Real de Moedas de Estocolmo e na compañía de poxas numismáticas Ahlström.[3]
A súa docencia na Universidade de Estocolmo comezou en 1990 como profesor asociado, e en 1992 accedeu ao posto de profesor titular de Numismática e Historia Monetaria nesa universidade. Alí sucedeu a Brita Malmer como titular da cátedra Gunnar Ekström de Numismática e Historia Monetaria. Esta cátedra, está adscrita ao Instituto de Arqueoloxía, co patrocinio da Fundación Gunnar Ekström para a Investigación Numismática (Gunnar Ekströms stiftelse för numismatisk forskning), baixo a denominación de Instituto Numismático de Estocolmo.[1][2]
O seu principal foco de investigación constitúeo a historia das moedas e do diñeiro no norte de Europa na Idade Media.[1][2]
Kenneth Jonsson é membro da Real Academia Sueca de Letras, Historia e Antigüidades desde 2001.[1][4]
Desde 2003, Jonsson é o editor da revista en Internet Myntstudier.[5]
Recoñecementos
editar- (1987): Medalla Elias Brenner, da Sociedade Numismática Sueca (Svenska numismatiska föreningen).[6]
- (1998): Medalla Gunnar Holst (Gunnar Holst Stiftelse för Numismatik), de Gotemburgo, Suecia.[7]
Publicacións
editarAdemais dun bo número de artigos en revistas numismáticas, Jonsson é autor de varios traballos monográficos. Esta é unha escolma dos máis representativos:[8]
- (1980). Sveriges besittningsmynt (con B. Ahlström e Y. Almer). Estocolmo.
- (1986). Fyndet i chiffonjen (con B. Hårdh). Lund.
- (1987). The New Era. The Reformation of the Late Anglo-Saxon Coinage. Kungliga Myntkabinettet, Estocolmo. ISBN 91-7192-709-3
- (1987). Viking-Age Hoards and Late Anglo-Saxon Coins. Estocolmo. ISBN 91-7260-638-X
- (1990). Studies in Late Anglo-Saxon Coinage (ed. con B. Malmer). Svenska Numismatiska Föreningen, Estocolmo. ISBN 91-85204-10-2
- (1991). Priskatalog over Norges mynter fra 995 (con J. O. Aamlid e B. Ahlström). Estocolmo.
Notas
editar- ↑ 1,0 1,1 1,2 1,3 1,4 1,5 "Jonsson, Kenneth". En Coins Weekly. 25 de outubro de 2017.
- ↑ 2,0 2,1 2,2 2,3 "Kenneth Jonsson. Professor emeritus". Stockholm University.
- ↑ Carlsson, P-G. (2009). "Den svenska myntmarknadens utveckling 1999-2009: Den Ahlströmska mynthandelsepoken". En Samlad Glädje 2009 Arquivado 05 de decembro de 2020 en Wayback Machine.. Numismatiska Klubben i Uppsala. Páxina 37.
- ↑ Malmer, B. (2001). "Kenneth Jonsson invald i Vitterhetsakademien". En Svensk Numismatisk Tidskrift. 4. Svenska Numismatiska Föreiningen. Páxina 98.
- ↑ "Tidskriften Myntstudier". Sitio web da revista.
- ↑ "SNF:s Elias Brenner-medalj för förtjänsterinom numismatiken". Svenska Numismatiska Föreningen.
- ↑ "Gunnar Holsts pris år 1998". En Svensk Numismatisk Tidskrift. Febreiro de 1999. Páxina 21.
- ↑ "Kenneth Jonsson. Bibliografi". Stockholm University.
Véxase tamén
editarBibliografía
editar- "Jonsson, Kenneth". En Coins Weekly. 25 de outubro de 2017.
- Talvio, Tuukka. (2015). Myntstudier. Festskrift till Kenneth Jonsson ["Estudos de moedas. Libro nomenaxe a Kenneth Jonsson"]. Svenska Numismatiska Föreningen, Estocolmo. ISBN 9789197942720