K. C. Jones

K. C. Jones
	;
Biografía
Nacemento	25 de maio de 1932 ; Taylor, Estados Unidos de América (pt)
Morte	25 de decembro de 2020 (88 anos); Connecticut, Estados Unidos de América
Datos persoais
País de nacionalidade	Estados Unidos de América
Educación	Universidade de São Francisco (pt)
Altura	185 cm
Peso	91 kg
Actividade
Ocupación	baloncestista , adestrador de baloncesto
Período de actividade	1958 - 1967
Lingua	Lingua inglesa
Nacionalidade deportiva	Estados Unidos de América
Deporte	baloncesto
Liga	National Basketball Association e Baloncesto masculino da División I da NCAA
Posición de xogo	Base
Número deportivo	27
Convocado por	Boston Celtics
Traxectoria
Participou en
	basketball at the 1956 Summer Olympics – men's tournament (en) (1º) (medalla de ouro olímpica)
Familia
Parentes	Carl Cain (pt) (cuñado)

K. C. Jones (nome completo), nado en Taylor, Texas o 25 de maio de 1932 e finado en Connecticut o 25 de decembro de 2020, foi un xogador e adestrador profesional de baloncesto estadounidense. Como xogador, conseguiu 8 aneis de campión da NBA, sendo só superado nese aspecto polos seus compañeiros de equipo en Boston Celtics Bill Russell e Sam Jones. Ademais conseguiu outros dous como adestrador nos anos oitenta, tamén cos Celtics.

Traxectoria deportiva

Universidade

Xogou a liga de baloncesto universitario coa Universidade de San Francisco, onde xunto a Bill Russell, conseguiron dous títulos da NCAA en 1955 e 1956, aínda que nesta última tempada non puido xogar, ao ser o seu quinto ano na universidade. Porén, foi elixido para disputar coa Selección de baloncesto de Estados Unidos os Xogos Olímpicos de Melbourne 1956, onde lograron o ouro. Fixo, durante a súa tempada universitaria, un total de 9,8 puntos e 5,1 rebotes por partido.

Profesional

Foi elixido na segunda rolda do draft da NBA de 1956 polos Boston Celtics, aínda que non chegou a vestir a camiseta verde até 1958, tras dous anos de servizo militar. as súas 9 tempadas como profesional transcorreron na cidade de Massachusetts, onde coincidiu coa época dourada do equipo, logrando 8 campionatos. Tras perder nos play-offs de 1967 ante Philadelphia 76ers, K.C. retirouse das canchas.

Equipos

Boston Celtics ( 1958-1967)

Adestrador

A súa etapa como adestrador principal comezou nos San Diego Conquistadors, un equipo da extinta liga ABA que desapareceu moi pronto. Previamente, fora asistente nos Lakers. De aí pasou aos Capital Bullets, onde permaneceu durante 3 tempadas (onde o equipo cambiou de nome a Washington Bullets). En 1978 entrou a formar parte do equipo de adestradores asistentes dos Celtics, non sendo até 1983 cando foi nomeado adestrador principal. Estivo cinco anos ocupando o banco en Boston, logrando dous títulos da NBA, con xogadores nas súas filas do talle de Larry Bird, Dennis Johnson, Robert Parish ou Kevin McHale, entre outros. Posteriormente dirixiu durante tempada e media aos Seattle SuperSonics.

Equipos

San Diego Conquistadors (ABA) (1972-1973)
Capital Bullets (1973-1974)
Washington Bullets (1974-1976)
Boston Celtics (1983-1988)
Seattle SuperSonics (1990-1992)

Logros persoais

Como xogador

Oito títulos da NBA.
A súa camiseta co número 25 foi retirada como homenaxe.
Membro do Basketball Hall of Fame desde 1989.

Como adestrador

Dous títulos da NBA.
Levou ao seu equipo a gañar durante tres tempadas consecutivas 60 ou máis partidos, récord da NBA.
Catro veces consecutivas campión da Conferencia Leste (entre 1984 e 1988)

Véxase tamén

Ligazóns externas

Páxina de K.C. Jones na web do Hall of Fame
Estatísticas de Jones como adestrador Arquivado 13 de maio de 2016 en Wayback Machine.
Estatísticas de Jones como xogador Arquivado 09 de novembro de 2012 en Wayback Machine.