Justo Fernández Suárez
Justo Fernández Suárez,[1] coñecido como Galochía, nado en Vilaronte (Foz) cara a 1910 e finado en Ribadeo o 23 de xullo de 1936, foi un político galego.
  | |
| Biografía | |
|---|---|
| Nacemento | 1910 Vilaronte, España |
| Morte | 23 de xullo de 1936 (25/26 anos) Ribadeo, España |
| Lugar de sepultura | cemiterio de Ribadeo |
| Datos persoais | |
| País de nacionalidade | España |
| Actividade | |
| Ocupación | político |
Traxectoria editar
Fillo de José María Fernández Couto. Co golpe de Estado do 18 de xullo de 1936 con outros veciños da Veiga marcharon a Ribadeo cando souberon que a columna militar sublevada avanzaba desde Lugo para tomar a vila. Justo ía á cabeza da expedición conducindo un coche e xa en Ribadeo, na curva de Covelas, el e os seus acompañantes encontráronse coas tropas que viñan desde Lourenzá. Tres gardas civís que ían diante en moto pararon o vehículo, mandaron baixar aos ocupantes e mataron a Justo por facer o ademán de sacar unha arma. Foi soterrado nunha fosa común do cemiterio de Ribadeo. Os seus restos, xunto cos de Manuel Mon Miranda, foron exhumados pola Asociación para a Recuperación da Memoria Histórica (ARMH) da fosa común do cemiterio de Ribadeo en 2023.[2]
Notas editar
- ↑ Nalgunhas fontes aparece como Justo Fernández Couto por confusión cos apelidos do pai.
- ↑ Cristina L. Felipe (1/6/2023). "Memoria Histórica exhumará a dos asesinados en Ribadeo en julio del 36". El Progreso (en castelán).