Abrir o menú principal

Judy Davis, nada en Perth o 23 de abril de 1955, é unha actriz australiana de cine, teatro e televisión. Cunha carreira de máis de corenta anos, é célebre pola súa versatilidade e é recoñecida como unha das mellores actrices da súa xeración. Woody Allen, co que colaborou frecuentemente, describiuna como "unha das actrices máis estimulantes do mundo".[1][2][3] Recibiu oito premios da Academia Australiana do Cinema e da Televisión, tres premios Emmy, dous premios da Academia Británica, dous Globos de Ouro e recibiu dúas candidaturas aos premios Óscar.

Judy Davis
Judy Davis - Eye of The Storm.jpg
Nacemento23 de abril de 1955
 Perth
NacionalidadeAustralia
Alma máterNational Institute of Dramatic Art e Universidade Curtin
Ocupaciónactriz, actriz de teatro e actriz de cinema
CónxuxeColin Friels
PremiosAustralian National Living Treasure
editar datos en Wikidata ]

TraxectoriaEditar

Primeiros anos e educaciónEditar

Davis naceu en Perth (Australia Occidental) e foi criada no catolicismo estrito.[4][5] Estudou no Loreto Convent e no Western Australian Institute of Technology. En 1977 graduouse no Instituto Nacional de Arte Dramática (NIDA).

CarreiraEditar

Un dos seus primeiros papeis destacados como actriz foi o de Sybylla Melvyn en My Brilliant Career (1979),[6] pola que gañou o BAFTA á mellor actriz e mellor actriz revelación. Tamén protagonizou Winter of Our Dreams (1981), interpretando unha adicta á heroína, e Heatwave. A súa carreira internacional comezou en 1981 logo de interpretar a Golda Meir no docudrama para televisión A Woman Called Golda, protagonizado por Ingrid Bergman, e un papel como terrorista no filme británico Who Dares Wins (1982).[6]

Posteriormente, foi seleccionada para encarnar a Adela Quested en A Passage to India (1984) de David Lean, unha adaptación da novela de Edward Morgan Forster, pola que recibiu unha candidatura aos Óscar como mellor actriz.[6] Regresou ao cinema australiano para actuar en Kangaroo (1987), interpretando a esposa dun escritor, e High Tide (1987), como unha despreocupada nai que intenta reunirse coa súa filla adolescente que está sendo criada pola súa avoa paterna. Por ambos os papeis levouse o Premio AACTA, e polo breve período de exhibición de High Tide nos cines dos Estados Unidos gañou un premio outorgado pola National Society of Film Critics. En 1990, fixo un cameo en Alice de Woody Allen.

En 1991, apareceu no filme Barton Fink dirixido polos irmáns Coen, que gañou a Palma de Ouro no Festival de Cannes. Obtivo un Independent Spirit polo seu traballo como a escritora George Sand en Impromptu e volveu actuar nunha adaptación dunha novela de Edward Morgan Forster, Where Angels Fear to Tread. En 1992, tivo un papel principal en Husbands and Wives de Woody Allen, como unha das metades dunha parella que se está a divorciar. Por esta interpretación recibiu candidaturas aos premios Óscar e aos Globos de Ouro como mellor actriz secundaria.

Vida privadaEditar

Judy Davis casou en 1984 co actor e tamén graduado de NIDA Colin Friels, con quen ten un fillo e unha filla, o actor Jack Friels (1987) e Charlotte Friels (1997).[7]

FilmografíaEditar

Ano Título Personaxe
1977 High Rolling Lynn
1979 My Brilliant Career Sybylla Melvyn
1981 Hoodwink Sarah
1981 Winter of Our Dreams Lou
1982 Who Dares Wins Frankie Leith
1983 Heatwave Kate Dean
1984 A Passage to India Adela Quested
1986 Kangaroo Harriet Somers
1987 High Tide Lilli
1988 Georgia Nina Bailley/Georgia White
1990 Alice Vicki
1991 Barton Fink Audrey Taylor
1991 Impromptu George Sand
1991 Where Angels Fear to Tread Harriet Harriton
1991 Naked Lunch Joan Lee/Joan Frost
1991 On My Own The Mother
1992 Maridos e mulleres Sally
1993 Dark Blood Buffy
1994 Ref, TheThe Ref Caroline Chasseur
1994 New Age, TheThe New Age Katherine Witner
1996 Children of the Revolution Joan Fraser
1997 Deconstructing Harry Lucy
1997 Poder absoluto Gloria Russell
1997 Sangue e viño Suzanne Gates
1998 Celebrity Robin Simon
2001 Man Who Sued God, TheThe Man Who Sued God Anna Redmond
2001 Gaudi Afternoon Cassandra Reilly
2003 Swimming Upstream Dora Fingleton
2006 Break-Up, TheThe Break-Up Marilyn Dean
2006 Marie Antoinette Condesa de Noailles
2011 Eye of the Storm, TheThe Eye of the Storm Dorothy de Lascabanes
2012 To Rome with Love Phyllis
2013 The Young and Prodigious T.S. Spivet Jibsen
2015 The Dressmaker Molly Dunnage

NotasEditar

  1. Biskind, Peter. "Gods and Monsters: Thirty Years of Writing on Film and Culture". Google Books. Consultado o 14 de xullo de 2017. 
  2. "Judy Davis For The Eye of the Storm". Asia Pacific Screen Academy. 
  3. "Judy Davis, Inspiring 'Brilliant Career's 30 Years Later". N.P.R. 
  4. Maslin, Janet (22 de febreiro de 1980). "New Face: Judy Davis Don't Call Her Sybylla; A Last-Minute Replacement 'I'm Not Good at Reading Scripts' Elizabeth Swados at Club". The New York Times. Consultado o 7 de maio de 2010. 
  5. Rovi, Hal Erickson. "Judy Davis Biography". TV Squad. Consultado o 10 de outubro de 2010. 
  6. 6,0 6,1 6,2 Gilbey, Ryan (25 de abril de 2013). "Judy Davis: 'I never wanted celebrity'". The Guardian. Consultado o 2 de maio de 2013. 
  7. Colin Friels biography at IMDb

Véxase taménEditar

Ligazóns externasEditar

  • Judy Davis in The Encyclopedia of Women and Leadership in the Twentieth Century