Juan Rodríguez Yuste
Juan Rodríguez Yuste, nado en Jerez de los Caballeros (Badaxoz) o 4 de xuño de 1939 e finado en Pontevedra o 20 de agosto de 2023, foi un economista e político galego.
| Juan Rodríguez Yuste | |
|---|---|
| Nacemento | 4 de xuño de 1939 |
| Lugar de nacemento | Jerez de los Caballeros |
| Falecemento | 20 de agosto de 2023 |
| Lugar de falecemento | Pontevedra |
| Nacionalidade | España |
| Ocupación | político e economista |
| Na rede | |
 | |
| [ editar datos en Wikidata ] | |
Traxectoria Editar
Criouse en Sevilla e con 21 anos trasladouse a Pontevedra onde se instalou. É doutor en Ciencias Económicas. Foi profesor da Universidade de Vigo e da UNED. Foi subdirector xeral e director xeral da Consellería de Economía e Facenda (1986-1990), director xeral de Planificación Económica e Relacións coa Unión Europea da Consellería de Economía e Facenda (1991-1997), secretario xeral de Relacións coa Unión Europea e Acción Exterior da Xunta de Galicia (1997-1999) e director da Fundación Galicia-Europa. En 1999 foi nomeado conselleiro de Industria e Comercio, sendo a partir de 2003 conselleiro de Innovación, Industria e Comercio.
| Predecesor: Antonio Couceiro Méndez |
 Conselleiro de Industria e Comercio 1999 - 2005 |
Sucesor: Fernando Blanco Álvarez |
Véxase tamén Editar
Bibliografía Editar
- Barrera, Feliciano, ed. (2002). "Rodriguez Yuste, Juan". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. ISBN 84-8064-113-4.