Juan González Rodríguez

Juan González Rodríguez, nado na Coruña o 27 de novembro de 1873 e finado na mesma cidade o 26 de xaneiro de 1960, foi un avogado e político galego.

Juan González Rodríguez

Biografía
Nacemento	27 de novembro de 1873 A Coruña, España
Morte	26 de xaneiro de 1960 (86 anos) A Coruña, España
Gobernador civil da provincia de Ourense
Gobernador civil da provincia de Lugo
Alcalde da Coruña
Datos persoais
País de nacionalidade	España
Actividade
Ocupación	avogado , político
Lingua	Lingua castelá

Traxectoria

Foi presidente do Casino Republicano da Coruña. Foi alcalde da Coruña en tres períodos diferentes. O seu primeiro mandato foi entre 1919 e 1920 e o segundo un ano máis tarde. O 26 de marzo de 1930 foi un dos asinantes do Pacto de Lestrobe. Coa chegada da República volveu ser elixido alcalde da Coruña logo da dimisión de Ángel Senra Fernández o 26 de agosto de 1931, permanecendo co cargo ata o 21 de xullo de 1932, cando foi nomeado gobernador civil de Ourense. Continuou no cargo ata o 3 de outubro de 1933 en que pasou ao Goberno civil de Lugo. Afiliado a Izquierda Republicana, volveu ser concelleiro da Coruña no período da Fronte Popular.

Predecesor: Gerardo Abad Conde	Alcalde da Coruña  1919 – 1920	Sucesor: Antonio Lens Viera
Predecesor: Antonio Lens Viera	Alcalde da Coruña  1921 – 1922	Sucesor: Maximiliano Asúnsolo Linares-Rivas
Predecesor: Ángel Senra Fernández	Alcalde da Coruña  1931 - 1932	Sucesor: Manuel Iglesias Corral

Vida persoal

Casou con Emilia Catoira Touriñán e foi pai de Luciano, Jenaro, José Luis, Alfonso e Javier González Catoira.

Véxase tamén

Bibliografía

• Serrallonga i Urquidi, Joan (2007). "El aparato provincial durante la Segunda República. Los gobernadores civiles, 1931-1939" (PDF). Hispania Nova (7). Consultado o 20 de xaneiro de 2013. 

Ligazóns externas

• Wiki de Estudos LocaisArquivado 01 de xuño de 2020 en Wayback Machine.
• Caricatura de Luís BagaríaArquivado 20 de febreiro de 2012 en Wayback Machine.