José Souto Vizoso
José Souto Vizoso, nado en San Martiño de Xuvia (Narón) o 4 de febreiro de 1893 e finado o 2 de agosto de 1973, foi un bispo católico galego.
José Souto Vizoso | |
---|---|
Bispo da Igrexa Católica Latina | |
Biografía | |
Nacemento | 4 de febreiro de 1893 en O Couto, Narón |
Pasamento | 2 de agosto de 1973 |
Ordes | |
Ordenación sacerdotal | 17 de xuño de 1916 |
Consagración episcopal | 15 de abril de 1945, por Gaetano Cicgnani |
Bispo de Palencia | |
1949 - 1970 | |
Predecesor | Francisco Javier Lauzurica |
Sucesor | Ansatasio Granados |
Outros | |
Ficha en catholic-hierarchy.org |
Traxectoria editar
Fixo a carreira eclesiástica no Seminario de Mondoñedo e foi ordenado presbítero en 1916. En 1917 licenciouse en Teoloxía na Universidade Eclesiástica de Santiago. Traballou como profesor de Filosofía e Teoloxía no Seminario de Mondoñedo do que foi reitor e director do Boletín Diocesano. En 1945 foi nomeado bispo de Elusa e bispo auxiliar de Santiago de Compostela. En 1949 foi nomeado bispo de Palencia, cargo que desempeñou ata 1970.