José Rivero de Aguilar

José Rivero de Aguilar Gutiérrez de la Peña, nado en Santiago de Compostela o 28 de xullo de 1864 e finado na mesma cidade o 30 de marzo de 1929, foi un avogado, empresario e político galego.

José Rivero de Aguilar

Biografía
Nacemento	28 de xullo de 1864 Santiago de Compostela, España
Morte	30 de marzo de 1929 (64 anos) Santiago de Compostela, España
Catedrático de universidade
Actividade
Ocupación	avogado, político, emprendedor, xurista
Familia
Fillos	Ramón Rivero de Aguilar, José María Rivero de Aguilar

Traxectoria

Dende 1897 foi profesor na facultade de Dereito da Universidade de Santiago de Compostela e en 1911 foi nomeado catedrático de Historia do Dereito. Participou na Sociedad de Gas y Electricidad de Santiago e na Sociedad de Seguros Mutuos contra Incendios e foi presidente da Real Sociedade Económica de Amigos do País de Santiago (1920-1926). Tamén exerceu a presidencia da Cámara Agrícola y Pecuaria. Militante do Partido Liberal na facción gasetista, foi deputado provincial e concelleiro en Santiago de Compostela.

Obras

• Programa de Instituciones de Derecho Romano, 1893.

Vida familiar

Casou con Ramona Otero Bárcena (irmá de Joaquín Otero Bárcena) e foi pai de José María e Ramón Rivero de Aguilar Otero.

Véxase tamén

Bibliografía

• Biografía no Diccionario de catedráticos españoles de Derecho Arquivado 01 de xuño de 2020 en Wayback Machine. (en castelán)

Ligazóns externas

• O fiscal que acusou a Bóveda e tantas outras historias da familia Rivero de Aguilar Arquivado 21 de decembro de 2016 en Wayback Machine.