José Ribas Montenegro

José Ribas Montenegro
Biografía
Nacemento	Vigo, España
Morte	1948 ; Donostia, España
Actividade
Ocupación	xornalista, poeta
Familia
Irmáns	Federico Ribas

José Ribas Montenegro, nado en Vigo e finado en Donostia en 1948,^[1] foi un xornalista e poeta galego.

Traxectoria

Irmán de Federico Ribas Montenegro. Colaborou na Revista Gallega e Galicia en Madrid. Marchou a Buenos Aires e foi redactor de Mundo Argentino e Correo de Galicia de Buenos Aires. Retornou a Galicia en 1922, colaborou en Galicia^[2] e foi redactor xefe de El Pueblo Gallego até 1925. Despois pasou a ser redactor de La Nación de Madrid e colaborou co seu director Delgado Barreto en Gracia y Justicia; tamén colaborou en La Esfera. En 1936 estivo á fronte do Comité autonómico de Madrid para apoiar o Estatuto.^[3] O golpe de Estado do 18 de xullo de 1936 pillouno en Madrid, de onde logrou saír para pasar á zona franquista. Formou parte da redacción de El Pensamineto Navarro. Despois foi redactor de La Voz de España de Donostia, encargado da sección satirico-humorística "Tic-tac" que asinaba co pseudónimo Aldakor.

Notas

↑ La Noche,:10-12-1948, p. 4.
↑ Galicia. Diario de Vigo, 25-7-1923, p. 1.
↑ El Compostelano, 19-6-1936, p. 2

Véxase tamén

Bibliografía

Couceiro Freijomil, Antonio (1951-53). Diccionario bio-bibliográfico de escritores (en castelán) III. Bibliófilos Gallegos. p. 179.

[1] La Noche,:10-12-1948, p. 4.

[2] Galicia. Diario de Vigo, 25-7-1923, p. 1.

[3] El Compostelano, 19-6-1936, p. 2

[1]

[2]

[3]