José Ricardo Díaz Pardeiro
José Ricardo Díaz Pardeiro, nado en Ferreira do Valadouro (O Valadouro) o 19 de novembro de 1944 e finado na Coruña o 7 de marzo de 2022, foi un escritor e historiador galego.
  | |
| Biografía | |
|---|---|
| Nacemento | 19 de novembro de 1944 O Valadouro, España |
| Morte | 7 de marzo de 2022 (77 anos) A Coruña, España |
| Datos persoais | |
| País de nacionalidade | España |
| Actividade | |
| Ocupación | historiador |
| Lingua | Lingua galega |
Traxectoria editar
Exerceu coma catedrático de Xeografía e Historia no IES Eusebio da Guarda da Coruña. Publicou diversos libros e traballos de investigación histórica e colaborou en xornais como La Voz de Galicia e La Opinión, nos que analizou a historia da Coruña. Aplica a socioloxía histórica á análise da sociedade, tomando como fonte histórica o teatro, unha manifestación do lecer e do tempo libre que serviu para estudar a sociedade coruñesa desde 1882 a 1915, con resultados semellantes aos empregados con outras fontes económicas ou políticas.
Colaborou nos estudos sobre a figura do dramaturgo coruñés Manuel Linares Rivas, dirixidos por Fidel López Criado, profesor de Literatura Española da Universidade da Coruña. Realizou un ensaio sobre a figura de Wenceslao Fernández Flórez, Un escritor de pensamento liberal, no que estuda a ideoloxía do escritor de Cecebre a raíz da súa obra O malvado Carabel, que confirma o talante liberal e crítico de Fernández Flórez, en contraposición coa idea que del se tiña de ser un escritor de pensamento ultraconservador.
Obras editar
Vida persoal editar
- Casou con Carmen Queijeiro Suárez e é pai de Alba, Xosé e Azúmara Díaz Queijeiro.
Notas editar
- ↑ Díaz Pardeiro, José Ricardo. La vida cultural en La Coruña : El teatro, 1882-1915. La Coruña: La Voz de Galicia, 1992. ISBN 8488254008 WorldCat
- ↑ Díaz Pardeiro, José Ricardo. Crónicas coruñesas. Biblioteca gallega. La Coruña: La Voz de Galicia, 1994. ISBN 8488254393 WorldCat
- ↑ Books of José Ricardo Díaz Pardeiro en "Google Books".
- ↑ Díaz Pardeiro, José Ricardo, Xosé Fernández Fernández e Jesús María Reiriz Rey. Crónicas Coruñesas. La Coruña: La Voz de Galicia, 1994. ISBN 8492124075 WorldCat