John Bannerman

historiador británico

John Walter MacDonald Bannerman, nado en Balmaha, Stirlingshire o 13 de agosto de 1932 e finado ibídem8 de outubro de 2008, foi un historiador escocés, coñecido polo seu traballo sobre a Escocia gaélica.

John Bannerman
Nacemento13 de agosto de 1932
Falecemento8 de outubro de 2008
NacionalidadeReino Unido
Alma máterUniversidade de Cambridge e Universidade de Glasgow
Ocupaciónhistoriador
PaiJohn Bannerman, Baron Bannerman of Kildonan
NaiRay Mundell
CónxuxeChrissie Dick
FillosAnnag Bannerman, Mary Bannerman, Kate Bannerman, Seanaidh Bannerman e Gilbert Bannerman
editar datos en Wikidata ]

TraxectoriaEditar

Fillo de John MacDonald Bannerman, antigo Lord Bannerman de Kildonan, e da súa esposa Ray Mundell, a súa familia falaba o gaélico escocés, e Bannerman estudou as linguas celtas na Universidade de Glasgow e completou o seu doutoramento na Universidade de Cambridge, onde foi alumno de Kathleen Hughes.

Malia que quería ensinar gaélico nas escolas, Bannerman acabou por asumir un cargo no departamento céltico da Universidade de Aberdeen antes de ingresar no departamento de historia na Universidade de Edimburgo en 1967. Asumiu a xestión da facenda da familia en Balmaha en 1968, pouco antes da morte do seu pai, dividindo o seu tempo entre o ensino en Edimburgo, a escrita e a facenda.

O seu traballo sobre a Escocia gaélica foi importante. Os seus primeiros traballos sobre Dál Riata, o Senchus fer n-Alban e as crónicas de Iona, que formaron parte posteriormente da Crónica de Irlanda, están contidos no seu libro de 1974, Studies in the History of Dalriada. Foi un dos principais contribuíntes para o rexistro de Late Medieval Monumental Sculpture in the West Highland publicado en 1977 e o seu estudo da familia Beaton -The Beatons: Medical Kindred in the Classical Gaelic Tradition- foi publicado en 1986.

Nos seus últimos anos traballou investigando a historia do señorío das Illas. Deixou de ensinar na Universidade en 1997 e dedicouse a tempo integral ós negocios da familia en Balmaha.

Vida privadaEditar

Bannerman casou com Chrissie Dick en 1959. Tiveron cinco fillos.

Véxase taménEditar

BibliografíaEditar

  • Broun, Dauvit; MacGregor, Martin (26 de novembro de 2008). "Dr John Bannerman (obituary)". The Herald.