Universidade de Edimburgo

A Universidade de Edimburgo (en inglés: University of Edinburgh, en gaélico: Oilthigh Dhùn Èideann), fundada en 1582, é un centro de renome no mundo da ensinanza e da investigación situado na cidade de Edimburgo, Escocia. A universidade foi a sexta en crearse nas illas británicas, e a cuarta de Escocia. A Universidade de Edimburgo conta con 24.000 estudantes, e se atopa entre as máis prestixiosas do Reino Unido.

Universidade de Edimburgo
Tipo	universidade pública, editor de acceso aberto, universidade antiga e organización
Sede	Edimburgo
Localización
55°56′51″N 3°11′14″O
Estado	Reino Unido
País	Escocia
Concello	Cidade de Edimburgo
Localización	Edimburgo
Código postal	EH8 9YL
Datas
Fundación	1583
Persoas e organizacións
Número estudiantes	26.138
Membro de
Grupo Coimbra, Grupo Russell (pt) , ORCID, IIIF Consortium (en) , MyData Global (en) , World Wide Web Consortium, Confederação de Repositórios de Acesso Aberto (pt) , Asociación de Universidades Europeas, International GLAM Labs Community, arXiv, League of European Research Universities, Association of Learned and Professional Society Publishers e University and College Union (en)
Composto por
Tovey Professor of Music (en) , Reid Professor of Music (en) , Cockburn Geological Museum (en) , Anatomical Museum (en) , Centre for Research Collections and Art Collection (en) , St Cecilia's Hall (en) , Talbot Rice Gallery (en) e University of Edinburgh Collections (en)
Contacto
Páxina WEB	ed.ac.uk
Redes
[ Wikidata ]

Historia

A fundación da Universidade de Edimburgo atribúese ao bispo Robert Reid, da Catedral de San Magnus, Kirkwall, quen doou trala súa morte en 1558, os seus fondo.

A universidade estableceuse por unha Carta Real concedida por Xacobe VI en 1582, converténdose na cuarta universidade escocesa, cando Inglaterra, moito máis poboada e próspera, tiña tan só dúas.

No século XVIII, Edimburgo era un dos centros principais de Europa, desenvolvéndose a universidade coma unha das máis importantes do continente europeo.

Os estudantes da universidade son representados polo Consello Representativo dos Estudantes (Students' Representative Council, fundado en 1884 por Robert Fitzroy Bell, e pola Asociación dos Estudantes da Universidade (Edinburgh University Students' Association) fundada en 1889.

No ano 2002 a universidade foi reorganizada, as súas nove facultades pasaron a ser tres colexios: o Colexio de Humanidades e Ciencias Sociais (HSS), o Colexio de Ciencias e Enxeñarías (SCE) e o Colexio de Medicina e Medicina Veterinaria (MVM).

Reputación

Old College da Universidade de Edimburgo, deseñado por Robert Adam

O Suplemento de "Clasificación de Universidades Mundiais" 2005 do xornal The Times [THES] clasificou a Universidade de Edimburgo da seguinte maneira:

• 9ª na Europa no ámbito xeral
• 16ª no mundo en biomedicina
• 14ª no mundo segundo os recrutadores
• 27ª no mundo en artes e humanidades
• 38ª no mundo en ciencias
• 30ª no mundo no ámbito xeral

A Clasificación de "Académicos de Universidades Mundiais" 2005 [ARWU] clasificou á Universidade de Edimburgo da seguinte maneira:

• 5ª no Reino Unido
• 9ª na Europa
• 47ª no mundo

Exalumnos famosos

Alexander Graham Bell Charles Darwin Arthur Conan Doyle David Hume James Clerk Maxwell James Mirrlees William John Macquorn Rankine

Robert Louis Stevenson Joseph Bell J.M. Barrie Max Born James Hutton Peter Higgs Igor Tamm Gordon Brown

Véxase tamén

Ligazóns externas

• Páxina oficial da Universidade de Edimburgo