Jesús Hermida Cebreiro
Jesús Hermida Cebreiro, nado en Santiago de Compostela[1] ou Marín[2] o 10 de setembro de 1933, é un antigo atleta, político e dirixente deportivo galego, que chegou a presidir o Comité Olímpico Español.
| Biografía | |
|---|---|
| Nacemento | 10 de setembro de 1933  (90 anos)Santiago de Compostela, España |
| Datos persoais | |
| País de nacionalidade | España |
| Educación | Universidade Politécnica de Madrid |
| Actividade | |
| Ocupación | político |
| Partido político | Partido Popular |
| Membro de | |
| Lingua | Lingua castelá |
| Familia | |
| Irmáns | Benito Hermida Cebreiro |
Premios | |
Traxectoria editar
Enxeñeiro pola Universidade Politécnica de Madrid, e licenciado en Dereito, completou a súa formación no campo do turismo. Practicou o atletismo coa Sociedad Gimnástica de Pontevedra, e chegou a campión de España.
Cando se retirou da práctica deportiva activa comezou a súa carreira como dirixente deportivo, primeiro a nivel local e logo a nivel español. Foi presidente do Consello Superior de Deportes e posteriormente (1979) foi escollido secretario de estado para o deporte polo goberno de Adolfo Suárez, posto que mantivo no primeiro goberno de Leopoldo Calvo-Sotelo Bustelo e ata a vitoria electoral do Partido Socialista en 1982. Paralelamente, proseguiu a súa carreira no movemento olímpico, e foi secretario técnico do Comité Olímpico Español e entre 1980 e 1983 presidente desta entidade, posto que simultaneou co de máxima autoridade deportiva no plano político.
Dentro do deporte universitario, foi asesor do Comité executivo da Federación Internacional de Deporte Universitario nos anos setenta, e o encargo de dirixir a Universíada celebrada en México DF en 1977.
No Partido Popular editar
Nos anos noventa, xa como militante do Partido Popular, foi designado polo goberno de José María Aznar gobernador civil en Cádiz, posto que ocupou entre 1996 e 1997, e posteriormente en Toledo (1997-2003), baixo a nova denominación de subdelegado do goberno. Na actualidade segue a ser membro do Comité Olímpico Español en calidade de expresidente[3].
| Predecesor: Benito Castejón |
presidente do COE 1980-1983 |
Sucesor: Romá Cuyás |
Galardóns editar
- Medalla de ouro da Real Orde do Mérito Deportivo
Notas editar
- ↑ Enciclopedia Galega Universal, Ir Indo, tomo X, 212
- ↑ web da Sociedad Gimnástica de Pontevedra
- ↑ "Consejo de Honor". Comité Olímpico Español (en castelán). Arquivado dende o orixinal o 27 de abril de 2007. Consultado o 7 de decembro de 2008.