Jeronim Isidor Chimy
Jeronim Isidor Chimy, nado o 12 de marzo de 1919 en Radway (Canadá) e finado o 19 de setembro de 1992 en Vancouver (Canadá), foi un eclesiástico canadense greco-católico ucraíno, 1º bispo de New Westminster dende o 27 de xuño de 1974 até o seu pasamento.
Jeronim Isidor Chimy | |
---|---|
Bispo da Igrexa católica bizantina ucraína | |
Biografía | |
Nacemento | 12 de marzo de 1919 en Radway, Alberta, Canadá |
Pasamento | 19 de setembro de 1992 en Vancouver, Columbia Británica, Canadá |
Ordes | |
Ordenación sacerdotal | 29 de xuño de 1944, por Vasyl Ladyka |
Consagración episcopal | 5 de setembro de 1974, por Maksym Hermaniuk |
Bispo de New Westminster | |
1974 - 1992 | |
Sucesor | Severian Yakymyshyn |
Traxectoria editar
Naceu nunha familia de ucraínos, fillo de Evstafii Chimy e Anna (de apelido de solteira Yahniy). Ao rematar a súa educación, uniuse á Orde de San Basilio Magno, facendo a profesión solemne o 27 de xullo de 1941. Foi ordenado sacerdote o 29 de xuño de 1944 logo de completar os estudos teolóxicos. Posteriormente marchou a Roma, onde doutorouse en Dereito canónico en 1966 pola Pontificia Universidade Lateranense. En Roma, entre 1961 e 1974 traballou na curia xeral dos basilianos, e a partir de 1966 foi tamén reitor do Pontificio Colexio Ucraíno de San Xosafat.[1]
O 27 de xuño de 1974 foi nomeado por Paulo VI bispo da nova eparquía de New Westminster. Recibiu a consagración episcopal o 5 de setembro de 1974 de mans de Maksym Hermaniuk. Exerceu o cargo até o seu pasamento en Vancouver o 19 de setembro de 1992.
Notas editar
- ↑ Блажейовський, Дмитро (1996). Ієрархія Київської Церкви (861—1996) (en ucraíno). Lviv: Каменяр. p. 351.