Jean Philippe

Jean Philippe, nado en 1931 é un cantante francés que representou a Francia no Festival de Eurovisión 1959 e a Suíza no Festival de 1962.

Jean Philippe
Alcume	Jean Philippe
Nacemento	1931
Lugar de nacemento	Francia
Nacionalidade	Francia
Ocupación	cantante e artista discográfico
Na rede
[ editar datos en Wikidata ]

Eurovisión 1959

O Festival de Eurovisión 1959 tivo lugar en Cannes, Francia, xa que o ano anterior o francés André Claveau gañou o certame en Hilversum, Países Baixos. Baixo o nome de Grand Prix de la chanson Européenne, o Festival de Eurovisión 19159 celebrouse no Palacio de Festivais e Congresos de Cannes o 11 de marzo de 1959. Jean Philippe foi o encargado de representar ao seu país coa canción Oui, oui, oui, oui, que finalmente quedou en terceira posición obtendo 15 votos. A canción tería gran difusión uns anos despois grazas á versión de Sacha Distel.

Unha particularidade dese ano foi que as tres cancións clasificadas nas primeiras posicións volveron a ser representadas ao final do Festival, polo que Jean Philippe tivo que actuar de novo.

Eurovisión 1962

No ano 1962, Jean Philippe volveu a participar no Festival de Eurovisión. Ese ano representou a Suíza coa canción Le Retour. Quedou clasificado en décima posición con só dous puntos outorgados polo xurado alemán. Nesta ocasión o país gañador foi a súa Francia natal.

Véxase tamén

Outros artigos

• Festival de Eurovisión 1959
• Festival de Eurovisión 1962

Ligazóns externas

• Actuación de Jean Philippe no Festival de Eurovisión 1959 - Oui, oui, oui, oui
• Actuación de Jean Philippe no Festival de Eurovisión 1962 - Le retour

Predecesor: André Claveau con "Dors, mon amour"	Francia no Festival de Eurovisión 1959	Sucesor: Jacqueline Boyer con "Tom Pillibi"
Predecesor: Franca Di Rienzo con "Nous aurons demain"	Suíza no Festival de Eurovisión 1962	Sucesor: Esther Ofarim con "T'en va pas"