Xoana Seymour
Xoana Seymour tamén coñecida como Jane Seymour (1509 – 24 de outubro de 1537) foi a terceira muller de Henrique VIII de Inglaterra, e nai do futuro rei Eduardo VI. Finou 12 días despois de dar a luz ao futuro rei.
  | |
| Nome orixinal | (en) Jane Seymour |
|---|---|
| Biografía | |
| Nacemento | 1508 |
| Morte | 24 de outubro de 1537 (28/29 anos) Hampton Court |
| Causa da morte | Infecção puerperal (pt)  |
| Lugar de sepultura | Capela de São Jorge (pt) |
| Datos persoais | |
| País de nacionalidade | Reino de Inglaterra |
| Relixión | Igrexa católica |
| Cor dos ollos | Azul |
| Cor do pelo | Louro |
| Actividade | |
| Ocupación | dama de compañía |
| Lingua | Lingua inglesa |
| Outro | |
| Título | Raíña consorte |
| Familia | House of Seymour (en) |
| Cónxuxe | Henrique VIII de Inglaterra (1536 (Gregoriano)–1537 (Gregoriano)), morte |
| Fillos | Eduardo VI de Inglaterra |
| Pais | João Seymour (pt) e Margery Wentworth (pt) |
| Irmáns | Isabel Seymour (pt) , Henrique Seymour (pt) , Tomás Seymour, 1.º Barão Seymour de Sudeley (pt) e Eduardo Seymour, 1.º Duque de Somerset (pt) |
| Parentes | María I de Inglaterra (fillastra) Isabel I de Inglaterra (fillastra) |
Sinatura  | |
 | |
  | |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2014.) |
Traxectoria editar
Seymour foi a cuarta filla dos 9 fillos que tiveron Xoán Seymour de Wiltshire e Margarida Wentworth. Logo de servir coma asistente de Catarina de Aragón e de Ana Bolena, esposas ambas as dúas de Henrique VIII de Inglaterra, Xoana espertou o interese do rei e mailo favor deste ao seguir a mesma táctica cortesá de Ana Bolena, de se negar reiteradamente ás propostas sexuais do rei co fin de aumentar o seu desexo até o punto de conseguir os mesmos favores que conseguira a arteira Ana. A diferenza dos seus irmáns e da súa predecesora Ana Bolena, non simpatizaba coas ideas relixiosas protestantes. O desexo do rei Henrique de casar con ela acelerou as falsas acusacións de adulterio contra a, aínda daquela, raíña Ana. Así, finalmente Xoana e Henrique casaron no palacio de York, o 30 de maio de 1536, tan só 11 días despois da execución de Ana Bolena na Torre de Londres. Decontado, Xoana ficaría grávida.
A preñez espertou en Xoana unhas arelas irrefreábeis de comer perdices. O rei ordenaba traelas dende Calais e Flandres. Engordou terribelmente e tivéronse que amañar todos os seus vestidos. Xoana deu a luz a un neno, o futuro rei Eduardo VI, o 12 de outubro de 1537. Contraeu febres puerperais e morreu doce días máis tarde, o 24 de outubro de 1537. Está enterrada no Castelo de Windsor.
Os dous ambiciosos irmáns de Xoana, Tomás e Eduardo, abusaron da súa memoria para aumentaren as súas propias fortunas. Tras a morte de Henrique, Tomás contraeu matrimonio coa súa viúva, Catarina Parr (sexta e derradeira esposa de Henrique). Durante o período de rexencia de Eduardo VI, Eduard Seymour foi o seu protector e o gobernante real de Inglaterra. Ambos os dous irmáns foron axustizados.
Das seis mulleres que tivo o rei Henrique VIII, Xoana Seymour foi considerada polo mesmo rei coma súa "verdadeira" esposa, ao ser a única que lle deu o herdeiro home que tan desesperadamente desexaba. Tanto era así, que á morte desta a corte ao completo gardou loito durante certo tempo seguindo a orde do rei. E cando Henrique faleceu, sepultárono ao lado de súa esposa, Xoana Seymour, na Capela de San Xurxo sita no Castelo de Windsor.
Véxase tamén editar
Wikimedia Commons ten máis contidos multimedia na categoría: Xoana Seymour  |
Ligazóns externas editar
- As seis mulleres de Henrique VIII: Xoana Seymour 1508-1537.
- Un percorrido pola xeo-biografía das seis mulleres de Henrique VIII en Google Earth.Arquivado 21 de decembro de 2008 en Wayback Machine.
- O texto das baladas A Morte da Raíña Xoana.
| Predecesor: Ana Bolena |
Raíña Consorte de Inglaterra 1536 - 1537 |
Sucesor: Ana de Cleves |