Jaime Baella

Jaime Baella Pérez, nado en Barcelona en 1892 e finado na Coruña en 9 de marzo de 1938, foi un sindicalista e político catalán residente en Galicia.

Jaime Baella

Biografía
Nacemento	1892 Barcelona, España
Morte	9 de marzo de 1938 (45/46 anos) A Coruña, España
Causa da morte	pena de morte, ferida por arma de fogo
Actividade
Ocupación	sindicalista, político

Traxectoria

Anarcosindicalista de orixe catalá que foi expulsado de Cuba a comezos da década dos trinta. Foi perseguido en Valencia pola súa participación na folga xeral revolucionaria de 1934 e recalou na Coruña. Camareiro de profesión, participou na directiva sindical do oficio. Formou parte do Comité da Confederación Rexional Galaica a partir de 1935 e dirixiu Solidaridad.

Co golpe de Estado do 18 de xullo de 1936 estivo agochado e formou parte dunha rede clandestina de militantes confederais. Detido no verán de 1937, foi xulgado por rebelión militar o 30 de outubro xunto con José Brandariz Ramos, Ángel Fernández Fernández, Ricardo Martín González, Marcelino Calviño Pato, Jesús López Casado, Felisardo Brandariz Souto, Manuel Lantes Fernández, Juan Aguiar Brandariz, Juan Couso Martín e Roberto Seoane Ferreiro, e condenado a pena de morte. Foi fusilado o 9 de marzo de 1938 xunto con Cándido Sánchez Rodríguez, José Brandariz Ramos, Ángel Fernández Fernández, Ricardo Martín González, Marcelino Calviño Pato, Jesús López Casado e Felisardo Brandariz Souto.

Véxase tamén

Bibliografía

• Fernández, Eliseo; Pereira, Dionisio (2004). Positivas, ed. O anarquismo na Galiza. Santiago de Compostela. p. 37. ISBN 84-87783-79-1. 

• Fernández Prieto, Lourenzo; et al. (2011). A represión franquista na comarca da Coruña. Santiago de Compostela: Edicións Laiovento. p. 43. ISBN 978-84-8487-288-7. 

• Grandío Seoane, Emilio (2001). Vixiancia e represión na Galicia da guerra civil: o "Informe Brandariz", (A Coruña, 1937). Sada: Do Castro. ISBN 84-8485-017-X. 

• Lamela, Luis (2002). A Coruña, 1936. Memoria convulsa de una represión. Sada: Do Castro. p. 144.