Irma Sèthe
Irma Sèthe, nada en Bruxelas o 27 de abril de 1876 e finada en Nova York o 12 de maio de 1958, foi unha violinista e pedagoga belga.[1][2]
  | |
| Biografía | |
|---|---|
| Nacemento | 27 de abril de 1876 Bruxelas, Bélxica |
| Morte | 12 de maio de 1958 (82 anos) Nova York, Estados Unidos de América |
| Educación | Conservatorio Real de Bruxelas |
| Actividade | |
| Ocupación | música, violinista, mestra |
| Profesores | August Wilhelmj |
| Influencias | |
| Familia | |
| Irmáns | Marie-Louise Van de Velde |
Traxectoria
editarNada en Bruxelas en 1876, filla de Gérard e Louise Frédérique Seyberth, tiña dúas irmás maiores e un irmán menor. Foi introducida no mundo musical pola súa nai e comezou a súa aprendizaxe con Ottomar Jokisch. Continuou as clases de violín co músico alemán August Wilhelmj.
En 1890 foi admitida no Conservatorio Real de Bruxelas. Entre os seus amigos daquela estaban Guillaume Lekeu e Mathieu Crickboom, cos que actuaba en concerto. A súa relación con Eugène Ysaÿe tocoulle moito cando realizou a súa primeira xira americana.
Desde 1898 instalouse en Berlín co seu marido e desde 1909 formou parte do Berliner Kammerspiel Trio co pianista Walther Lampe e o violonchelista Otto Urack. De 1894 a 1911 colaborou con moitos artistas: Marguerite Swale, Gustav Schreck, Alfred Reisenauer, Paul Ludwig, George Henschel, Henry Bird, Eleanor King, Louis Hillier, Waldemar Lütschg e Erna Klein.
Irma Sèthe deixou de actuar en público ao comezo da primeira guerra mundial, e despois da guerra trasladouse brevemente a Praga co seu marido. En 1922 regresaron a Berlín, pero en 1939 abandonaron Europa, embarcando en Lisboa para chegar a Nova York o 26 de marzo de 1941, onde xa vivía a súa filla máis nova.
Despois da morte do seu marido en 1944, Irma experimentou unha difícil depresión, afundíndose aos poucos na tolemia. Acollida pola súa filla máis vella Elisabeth en Nova York, morreu en 1958 aos 82 anos, deixando entre os seus efectos persoais o medio violín que usaba de nena, que entrou na colección da Biblioteca Real de Bélxica en xuño de 2022.[3]
Familia
editarEn 1898 casou co filósofo ruso Samuel Saenger. O mesmo ano deu a luz á súa primeira filla, Elisabeth; a segunda, Magdalena, naceu en agosto de 1907.
Bibliografía
editar- Volker Timmermann, Saenger-Sethe, Irma, Sophie Drinker Institut für muzikwissenschaftliche Frauen-und Geschlechterforschung, 2016
- Silke Wenzel, Irma Saenger-Sethe, Musik und Gender im Internet, 2017
- Marie Cornaz, À la redécouverte d'Eugène Ysaÿe, Turnhout, Brepols, 2019 (pp. 60-92, 286, 310)
Notas
editar- ↑ «Irma Sethe: violoniste prodige, proche d’Eugène Ysaÿe», Un jour dans l'Histoire, RTBF (7 de setembro de 2022).
- ↑ Bibliothèque royale de Belgique, section de la Musique, Mus. Ms. 4998/7.
- ↑ Comment Georgia, dix ans, a réveillé le petit violon d’Irma Sèthe
Véxase tamén
editarWikimedia Commons ten máis contidos multimedia na categoría: Irma Sèthe  |