Institut du cerveau et de la moelle épinière
O Institut du cerveau et de la moelle épinière (en galego: Instituto do cerebro e da medula espiñal) de París é unha fundación francesa sen fins de lucro cuxa misión é contribuír á prevención e o tratamento das enfermidades, especialmente as neurolóxicas ou psiquiátricas (alzhéimer, parkinson, distonía, epilepsia, esclerose múltiple, ictus, cancro, demencia, depresión, trastorno obsesivo-compulsivo, autismo, etc.) así como na medula espiñal (paraplexía, cuadriplexía, etc.) e o cerebro.
Fundado o 24 de setembro de 2010, no local do Hospital de la Pitié-Salpêtrière, o centro de investigación reúne a 600 investigadores, enxeñeiros e técnicos.[1]
Membros fundadores editar
O ICM reúne a personalidades de todos os eidos (medicina, deporte, comercio, cine, etc.) e que puxeron as súas diversas áreas de coñecemento ao servizo da Fundación: Gérard Saillant (presidente da ICM), Yves Agid (director científico), Olivier Lyon-Caen, Luc Besson, Louis Camilleri, Jean Glavany, Maurice Lévy, Jean-Pierre Martel, Max Mosley, Lindsay Owen-Jones, Michael Schumacher, Jean Todt, David de Rothschild ou Serge Weinberg.
Os patrocinadores do ICM son Jean Reno e Michelle Yeoh.
Incubadora de iPEPS editar
O ICM acolle unha incubadora de negocios. En decembro de 2019, máis de 27 empresas aloxáronse nesta incubadora.[2]
Notas editar
- ↑ (en francés) Inauguration à Paris de l'Institut du cerveau, centre de recherches "sans équivalent au monde". Ladepeche.fr.
- ↑ (en inglés) IPEPS INCUBATOR. Icm-institute.org.