Iminoácido

En química, un iminoácido é unha molécula que contén á vez un grupo funcional imino (>C=NH) e un grupo carboxilo (-C(=O)-OH).^[1]

Os iminoácidos están relacionados cos aminoácidos, os cales conteñen un grupo amino (-NH₂) e un grupo carboxilo (-COOH). Os iminoácidos e os aminoácidos difiren nos enlaces que ten o nitróxeno.

Os encimas aminoácido oxidases poden converter os aminoácidos en iminoácidos. Ademais, o precursor biosintético directo do aminoácido prolina é o iminoácido (S)-Δ¹-pirrolina-5-carboxilato (P5C).

Ácido carboxílico (un dos grupos funcionais presentes nos iminoácidos).

Terminoloxía relacionada

O aminoácido prolina.

Os aminoácidos que conteñen un grupo amina secundaria (o único aminoácido proteinoxénico deste tipo é a prolina) son ás veces denominados iminoácidos,^[2]^[3] pero este uso é disputado por outros, xa que a prolina carece do grupo >C=NH que a IUPAC considera característico dos iminoácidos^[1].

O termo iminoácido é tamén un termo obsoleto no significado de ácidos imídicos, os cales conteñen o grupo -C(=NH)-OH, e non debería usarse con este significado segundo a IUPAC.^[1]

Notas

↑ ^1,0 ^1,1 ^1,2 IUPAC, Compendium of Chemical Terminology, 2nd ed. (the "Gold Book") (1997). Online corrected version: (2006–) "Imino acids".
↑ Proline at the US National Library of Medicine Medical Subject Headings (MeSH) Proline
↑ "Copia arquivada". Arquivado dende o orixinal o 18 de xaneiro de 2008. Consultado o 01 de xuño de 2013.

Véxase tamén

Outros artigos

Aminoácido

Ligazóns externas

MeshName - imino+acids [1]

[goldbook-1] 1,0 ^1,1 ^1,2 IUPAC, Compendium of Chemical Terminology, 2nd ed. (the "Gold Book") (1997). Online corrected version: (2006–) "Imino acids".

[2] Proline at the US National Library of Medicine Medical Subject Headings (MeSH) Proline

[3] "Copia arquivada". Arquivado dende o orixinal o 18 de xaneiro de 2008. Consultado o 01 de xuño de 2013.

[1]

[2]

[3]