A Illa de Baffin (en Inuktitut: ᕿᑭᖅᑖᓗᒃ Qikiqtaaluk) é unha illa ártica de Nunavut, Canadá. É a illa máis grande do Canadá e a quinta do mundo, cunha área de 507.451 km², e 11.000 habitantes (2004). O explorador William Baffin deulle o nome. A cidade principal da illa, e capital de Nunavut, Iqaluit (antes coñecida como Frobisher Bay) localízase na costa sur

Illa de Baffin
ᕿᑭᖅᑖᓗᒃ
Qikiqtaaluk (en inuktitut)
Imaxe satélite
Situación
País Canadá
ArquipélagoIllas Árticas do Canadá
MarOcéano Ártico
Coordenadas69°N 72°O / 69, -72
Xeografía
Superficie507 451 km²
Punto máis altoMonte Odin (2 147m)
Demografía
CapitalIqaluit
Poboación10 745 (2008)
Densidade0,02 hab./km²
Lingua propiaInuktitut

Historia editar

Os máis antigos restos de hábitat humano localízanse no suroeste da illa e remóntanse ao 2.400 a.C. En 1576 o explorador inglés Martin Frosbisher é o primeiro europeo en chegar á illa e entre 1615 e 1616 William Baffin explora o sur da illa A illa de Baffin (ás veces chamada, Terra de Baffin; en inuit, Qikiqtaaluk, e, en nórdico antigo, Helluland, a «terra da pedra prateada») é unha grande illa situada no extremo noriental do Canadá, pertencente ás illas do arquipélago ártico canadense. É a illa máis grande do Canadá e a 5ª do mundo, cunha superficie de 507.451 km². Administrativamente, pertence ao territorio autónomo de Nunavut e á rexión Qikiqtaaluk.

Xeografía editar

A illa de Baffin ten unha forma bastante irregular, asimilable a unha J virada uns 45º á esquerda, cos dous extremos máis anchos e unha parte central máis estreita. Ten unha lonxitude, en dirección NO-SE, de máis de 1600 km, variando a súa anchura entre os 500 km do seu parte setentrional, os 200-300 km da parte central e os de máis de 800 km da parte meridional.

A illa está atravesada por profundos entrantes de mar que conforman varias grandes penínsulas:

  • no extremo suroccidental, a península Foxe, de relevo moi desigual. Avanza no mar, dirección leste-oeste, é duns 215 km. O seu istmo ten unha anchura duns 80 km e a súa anchura máxima é de 145 km;
  • no extremo máis meridional, a península Meta Ingognita;
  • na parte suroriental, ao norte da anterior, a península Hall, levemente accidentada;
  • na parte máis oriental, máis ao norte da anterior, a península Cumberland, cunha anchura no punto máis estreito de 335 km;
  • na parte setentrional, a península Borden, unha meseta percorrida por vales fluviais;
  • na parte setentrional, a península Brodeur, outra meseta percorrida por vales fluviais.

Os puntos extremos de illa Baffin son os seguintes. Obtivéronse directamente mediante o Google Earth, polo que a súa precisión pode ter algún erro debido á propia forma da consulta:

Iqaluit -antes denominada Frobisher Bay-, a capital de Nunavut, está situada na costa sur da illa, na baía homónima, da cal recibiu o nome. No 2001 tiña 5236 habitantes.

Ao sur está o estreito de Hudson e o Québec, ao continente. Ao leste sitúase o estreito de Davis e a baía de Baffin e, á outra banda, Groenlandia. Ao oeste e ao norte, a baía de Foxe, o golfo de Boothia e o estreito de Lancaster separan a illa de Baffin do resto do arquipélago.

 
Illa de Baffin

Véxase tamén editar

Outros artigos editar

 
Monte Odin (2.147 m), o punto máis alto de Illa Baffin.