Illa Howland

A Illa Howland é un atol deshabitado situado xusto ao norte do ecuador, no océano Pacífico, ao redor de 3.100 km ao suroeste de Honolulu.

Illa Howland

(en) Howland Island
Tipo	Área insular dos Estados Unidos illa
Epónimo	George B. Worth (en)
Situado na entidade xeográfica	Illas Fénix
Localización
División administrativa	Illas ultramarinas dos Estados Unidos, Estados Unidos de América
Localización	Océano Pacífico
0°48′24″N 176°36′59″O
Bañado por	Océano Pacífico
Características
Altitude	5 m
Dimensións	0,8 () × 2,8 () km
Punto máis baixo	Océano Pacífico
Punto máis alto	valor descoñecido  (3 m )
Superficie	2,6 km²
Historia
Data de creación ou fundación	1937
Cronoloxía
1935-1942	Programa de Colonización das Illas Americanas Ecuatoriais
31 de xaneiro de 1942	Evacuación
8 de decembro de 1941	ataque aéreo
Páxina web	fws.gov…

Está a metade de camiño entre Hawai e Australia e é un territorio non incorporado e non organizado dos Estados Unidos.

A illa é agora unha reserva nacional de vida salvaxe, a "Howland Island National Wildlife Refuge", xestionada polo "U.S. Fish and Wildlife Service" como unha área insular baixo o Departamento do Interior dos Estados Unidos. O "Howland Island National Wildlife Refuge" consiste nos 1,84 km² da illa e os 129,80 km² de terra mergullada que a rodean.

A illa non ten actividade económica. O seu defensa é responsabilidade dos EEUU e é visitada anualmente pola Garda Costeira dos EEUU.

Historia

Algúns escasos restos de camiños e outros artefactos indican unha presenza polinésica anterior, pero a illa estaba deshabitada cando os Estados Unidos reclamárona no Acta de Illas Guaneras de 1856. Os seus depósitos de guano foron explotados por compañías dos Estados Unidos e Gran Bretaña na segunda metade do século XIX.

En 1935 comezou un curto intento de colonización cunha poboación rotativa de catro mozos de Hawai no asentamento Itascatown. Empezáronse proxectos similares nas próximas Illa Baker e Illa Jarvis, pero estes foron interrompidos pola segunda guerra mundial e as illas abandonadas.

A Illa de Howland debía ser unha parada de reposición para a piloto americana Amelia Earhart e o seu tripulante Fred Noonan no seu voo ao redor do mundo de 1937. Engalaron na illa de Lae, Nova Guinea, pero nunca foron vistos de novo. Por este motivo a illa tamén é coñecida como "a illa que Amelia Earheart nunca alcanzou".

O persoal civil dos Estados Unidos evacuou a illa no ano 1942 logo dos ataques aéreos e navais dos xaponeses na segunda guerra mundial. Foi ocupada por persoal militar dos Estados Unidos, pero estes abandonaron a illa logo da guerra. A entrada ao público realízase mediante un permiso especial de "U.S. Fish and Wildlife Service" e xeralmente está limitado a científicos e educadores.

Xeografía

Situado no norte do océano Pacífico (0 48 N, 176 38 O), a illa é moi pequena (1,6 km²). O litoral ten 6,4 km de longo. A illa ten forma alargada nun eixo norte-sur. O clima é ecuatorial, con poucas precipitacións, vento constante e ardente sol. O terreo é baixo e areoso: unha illa coralina rodeada por un estreito de arrecife cunha superficie deprimida no centro. O punto máis alto está a 3 metros sobre o nivel do mar. A illa carece de auga potable. O único recurso natural é o guano.

Transportes

A illa carece de portos xa que os arrecifes poden ser perigosos. Hai un desembarcadeiro na costa occidental. Hai tamén un pista de aterraxe, pero xa non se utiliza. A pista de aterraxe construíuse no ano 1937 pero sufriu continuos danos durante a segunda guerra mundial e quedou en desuso.

Véxase tamén

Ligazóns externas

• Fotos da Illa Howland despois da Segunda Guerra Mundial Arquivado 05 de abril de 2007 en Wayback Machine. (en inglés)

• 
  Cartel da US Fish and Wildlife co faro o fondo
• 
  Faro reparado despois da Segunda Guerra Mundial
• 
  restos do asentamento de Itascatown
• 
  Arrecife da illa Howland (barlovento)