Igrexa de San Salvador de Vilar de Donas

igrexa parroquial de Vilar de Donas, no concello de Palas de Rei

A igrexa de San Salvador de Vilar de Donas é a igrexa parroquial de Vilar de Donas, parroquia do concello lugués de Palas de Rei, polo que transita o Camiño Francés a Santiago. Foi declarado Monumento Histórico Artístico no ano 1931.[1]

Igrexa de San Salvador de Vilar de Donas
Igrexa de Vilar de Donas
PaísEspaña
LocalizaciónVilar de Donas (Palas de Rei)
Coordenadas42°53′33″N 7°48′34″O / 42.8925, -7.80944444Coordenadas: 42°53′33″N 7°48′34″O / 42.8925, -7.80944444
Diocesediocese de Lugo
editar datos en Wikidata ]
Portada da igrexa.

Orixinariamente foi unha igrexa monástica. A fundación do mosteiro atribúeo a tradición a unhas donas (representadas nas pinturas góticas da capela maior), co que se explicaría o topónimo. En realidade, o seu fundador foi Arias Pérez de Monterroso, a mediados do século XII.

Descrición editar

Exterior editar

É de planta de cruz latina, e na cabeceira tres ábsidas semicirculares. A portada principal adórnase con arcos de medio punto con axadrezados (datados cara ao ano 1230). A portada enmárcase entre contrafortes e un beirado con arquiños sostidos por canzorros. Na cornixa consérvanse tres imaxes: unha Virxe gótica co Neno, un San Miguel e un San Bartolomeu. Son de destacar as ferraxes das portas, conformando parellas de barras en forma de C rematadas en palmas coetáneas do edificio.

Interior editar

 
Interior da Igrexa.

A nave principal cóbrese con tellado de madeira a dúas augas, igual que o brazo norte do cruceiro, o brazo sur cóbrese con bóveda de canón rebaixado e o cruceiro cóbrese con bóveda de crucería cuadripartita.

Accédese á capela maior a través dun triplo arco. Esta decórase con pinturas góticas de tempos do rei Xoán II. No brazo norte do cruceiro destaca un baldaquino en pedra e un retablo tamén en pedra que representa a Misa de San Gregorio.

No interior atópanse os sepulcros de Fernán Ares Noguerol, de 1378, o de Santiago Pérez de Ulloa, cabaleiro da Orde de Santiago falecido no ano 1410

Galería de imaxes editar

 
Panorámica da igrexa
Panorámica da igrexa 
 
Ábsidas da igrexa
Ábsidas da igrexa 
 
Vista xeral
Vista xeral 
 
Sepulcro
Sepulcro 
 
Pezas do antigo mosteiro expostas no interior
Pezas do antigo mosteiro expostas no interior 
 
Retablo en granito branco
Retablo en granito branco 
 
Porta medieval
Porta medieval 
 
Detalle das pinturas
Detalle das pinturas 

Notas editar

  1. Decreto de 3 de xuño de 1931. Gaceta de Madrid, do 4.

Véxase tamén editar

Outros artigos editar

Ligazóns externas editar