Hugo Silva

Rafael Hugo Fernández Silva, coñecido como Hugo Silva, nado en Madrid o 10 de maio de 1977, é un actor español. Foi considerado o home máis desexado de España en 2010 segundo La Flecha.

Hugo Silva

Biografía
Nacemento	10 de maio de 1977 (46 anos) Madrid, España
Datos persoais
País de nacionalidade	España
Actividade
Ocupación	actor , modelo , actor de televisión
Período de actividade	1993 -
Lingua	Lingua castelá
Premios  Premio Feroz for Best Supporting Actor in a TV Series (en)
Páxina web	hugosilvaweb.net

Biografía

Silva cursou estudos de teatro na Escola de Arte Teatral Ángel Gutiérrez, no Teatro Cámara de Madrid e realizou estudos de arte dramática na RESAD. Tamén recibiu formación de canto e guitarra.

Formou parte dun grupo de música heavy, chamado Inordem, ao que deixou para dedicarse de cheo á súa carreira de actor.

Foi actor secundario en series como Al salir de clase e Los hombres de Paco, serie coa que se consagrou como actor, e o protagonista da serie Paco y Veva á beira de Elena Ballesteros.

Fixo obras de teatro como Las amistades peligrosas e Atraco a las 3. Tamén fixo cine participando en filmes como Terca vida, Reinas ou Ladies’ Night. O seu debut televisivo foi en Crónicas marcianas facendo un son pregravado dun grupo heavy.

Desde 2005 e ata 2009 viviu o seu maior momento de popularidade ao encarnar a Lucas Fernández, un dos tres protagonistas da exitosa serie Los hombres de Paco, de Antena 3. Por este papel foi nomeado ao Fotogramas de Prata en 2007.

Durante a rodaxe de Al salir de clase relacionóuselle sentimentalmente coa súa compañeira Olivia Molina. Máis tarde atribuíronselle romances coas tamén actrices Kira Mirou (coa que coincidiu en Paco y Veva) e, máis recentemente, Silvia Marty, coñecida polo seu papel de Ingrid en Un paso adelante, ou en LEX.

Rodou a serie Karabudjan, rodada principalmente en Colombia, e na que coincide cos actores Marta Nieto e Víctor Clavijo entre outros. Tamén tivo un papel principal na tv-movie de Antena 3 La princesa de Éboli, onde compartiu pantalla con Belén Rueda, quen interpretaba a Ana de Mendoza, e tamén volveu coincidir con Michelle Jenner. Hugo Silva interpretou a Antonio Pérez, quen mantiña unha relación secreta con Ana de Mendoza.

Traxectoria

Televisión

• 2000-2001: Al salir de clase (por Telecinco).
• El comisario (por Telecinco).
• 2004: Paco y Veva (por TVE).
• 2005-2009: Los hombres de Paco (por Antena 3), interpretando a Lucas Fernández.
• 2010: Karabudjan (por Antena 3).
• 2010: La princesa de Éboli (por Antena 3).
• 2014: El corazón del océano (por Antena 3).
• 2015: Los nuestros (por Telecinco).

Cine

• 2010: El sexo de Los Ángeles
• 2010: El color del mal
• 2010: Para la libertad (interpretando ó poeta Miguel Hernández).
• 2010: Que se mueran los feos
• 2009: Agallas
• 2009: Mentiras y gordas
• 2007: El hombre de arena.
• 2004: Reinas.
• 2003: Ladies’ Night.
• 2000: Terca vida.

Teatro

• 1993: Hibrit
• 1995: Las amistades peligrosas
• 2001-2002: Atraco a las tres
• 2009: Hamlet

Dobraxe

• 2004: Largo domingo de noviazgo.

Premios

• Nomeado ao premio Fotogramas de Prata 2007 ao mellor actor de televisión por Los hombres de Paco.
• Nomeado ao premio Fotogramas de Prata 2008 ao mellor actor de cine por El hombre de arena.

Véxase tamén

Ligazóns externas

• Sitio oficial