Hipusina
A hipusina é un aminoácido pouco común atopado en todos os eucariotas e nalgunhas arqueas, pero non en bacterias. A única proteína coñecida que contén residuos de hipusina é o factor de inicación da tradución eucariota 5A (eIF-5A) e unha proteína similar atopada en arqueas.[1] En humanos describíronse dúas isoformas do eIF-5A: eIF5A-1 e eIF5A-2. Están codificados por dous xenes distintos chamados EIF5A e EIF5A2. A proteína está implicada na biosíntese de proteínas e promove a formación do primeiro enlace peptídico. A rexión que rodea o residuo de hipusina está moi conservda e é esencial para a función do eIF5A.[2] Así, a hipusina e o eIF-5A parecen ser vitais para a viabilidade e proliferación das células eucariotas.
| Hipusina | |
|---|---|
 | |
Ácido (2S)-2-amino-6-[[(2R)-4-amino-2-hidroxibutil]amino]hexanoico | |
Outros nomes N6-(4-Amino-2-hidroxibutil)lisina | |
| Identificadores | |
| Número CAS | 34994-11-1 |
| PubChem | 10922432 |
| ChemSpider | 9097677 |
| UNII | 3874VXF092 |
| MeSH | Hypusine |
| ChEBI | CHEBI:21858 |
| Imaxes 3D Jmol | Image 1 |
| |
| |
| Propiedades | |
| Fórmula molecular | C10H23N3O3 |
| Masa molar | 233,31 g mol−1 |
Se non se indica outra cousa, os datos están tomados en condicións estándar de 25 °C e 100 kPa. | |
A hipusina fórmase no eIF-5A por modificación postraducional dun dos residuos lisilo. Están implicadas dúas reaccións e dous encimas, que son:
- 1. A desoxihipusina sintase cataliza a clivaxe da poliamina espermidina e transfire o seu resto de 4-aminobutilo ao grupo ε-amino dun residuo específico de lisina do precursor do eIF-5A para formar desoxihipusina e 1,3-diaminopropano.
- 2. A desoxihipusina hidroxilase é a mediadora da formación da hipusina pola adición dun gupo hidroilo ao residuo de desoxihipusina.
Atopouse un exceso de hipusina na urina de nenos e pacientes de hiperlisinemia familiar.
A hipusina foi illada primeiramente do cerebro bovino polos científicos xaponeses Shiba et al. en 1971.[3] O nome hipusina indica que a molécula consta de restos de hidroxiputrescina e lisina.
Notas editar
- ↑ Park MH (2006). "The post-translational synthesis of a polyamine-derived amino acid, hypusine, in the eukaryotic translation initiation factor 5A (eIF5A)". Journal of Biochemistry 139 (2): 161–169. PMC 2494880. PMID 16452303. doi:10.1093/jb/mvj034.
- ↑ Cano VS, Jeon GA, Johansson HE, Henderson CA, Park JH, Valentini SR, Hershey JW, Park MH (2008). "Mutational analyses of human eIF5A-1 -- Identification of amino acid residues critical for eIF5A activity and hypusine modification". FEBS Journal 275 (1): 44–58. PMC 2536608. PMID 18067580. doi:10.1111/j.1742-4658.2007.06172.x.
- ↑ Shiba T, Mizote H, Kaneko T, Nakajima T, Kakimoto Y, Isamu S (1971). "Hypusine, a new amino acid occurring in bovine brain. Isolation and structural determination". Biochimica et Biophysica Acta 244 (3): 523–531. PMID 4334286. doi:10.1016/0304-4165(71)90069-9.
Véxase tamén editar
Outros artigos editar
- n-Butilamina, relacionada co grupo 4-aminobutilo da desoxihipusina
- Putrescina
- Diftamida, outro aminoácido pouco común relacionado coa tradución
- EEF2, factor de elongación eucariota 2, que utiliza a diftamida