Herófilo
Herófilo de Calcedonia, nado en Bitinia no ano 335 a. C. e finad no 280 a. C., foi un médico grego da Escola de Alexandría.
| Herófilo | |
|---|---|
 | |
| Nacemento | 335 a. C. |
| Lugar de nacemento | Calcedônia |
| Falecemento | 280 a. C. |
| Lugar de falecemento | Alexandría |
| Ocupación | médico, xinecólogo e anatomista |
| [ editar datos en Wikidata ] | |
TraxectoriaEditar
Aínda que ás veces se trasladou o inicio das diseccións de cadáveres humanos ao Renacemento, esta práctica iniciouse na Escola de Alexandría no século III a. C. Herófilo foi o primeiro en facer diseccións anatómicas en público, iniciando esta práctica médica xunto a Erasístrato de Ceos. Tamén practicou viviseccións en criminais e escravos condenados a morte.
Realizou descubrimentos acerca da disposición dos vasos do cerebro, levando actualmente por nome prensa de Herófilo, o confluente venoso posterior do cerebro. Constatou a sincronía do pulso cos latidos do corazón e afirmou que a intelixencia non se encontraba neste, senón no cerebro.
Herófilo estudou o encéfalo mediante diseccións (en cadáveres) e viviseccións (en persoas vivas) e investigacións en animais, describindo as meninxes, os plexos coroides, o cuarto ventrículo e a confluencia dos seos cerebrais.
ObraEditar
A súa obra, así como a do seu contemporáneo Erasístrato de Ceos desapareceu completamente coa destrución de Alexandría por Xulio César. O seu coñecemento obtémolo a través de citas de autores posteriores, en especial, de Galeno.