Henrique IV de Inglaterra

Henrique IV de Inglaterra
	;
Nome orixinal	(en) Henry IV of Bolingbroke
Biografía
Nacemento	abril de 1367 ; Bolingbroke Castle, Reino Unido (en)
Morte	20 de marzo de 1413 (45 anos); Westminster, Reino Unido
Lugar de sepultura	Catedral de Canterbury
Monarca de Inglaterra
	30 de setembro de 1399 – 20 de marzo de 1413 (finado no cargo) ; ← Ricardo II de Inglaterra – Henrique V de Inglaterra →
Señor de Irlanda
	30 de setembro de 1399 – 20 de marzo de 1413
Actividade
Ocupación	monarca
Outro
Título	Monarca de Inglaterra
Familia	Casa de Lancaster e Casa de Plantagenet
Cónxuxe	Joana de Navarra (1403, 1403–1413); Maria de Bohun (1381, 1380–1394)
Fillos	Edward Plantagenet; () Maria de Bohun; Henrique V de Inglaterra; () Maria de Bohun; Tomás de Lencastre, Duque de Clarence; () Maria de Bohun; Xoán de Lancaster; () Maria de Bohun; Humphrey, Duque de Gloucester; () Maria de Bohun; Branca de Inglaterra; () Maria de Bohun; Filipa da Inglaterra; () Maria de Bohun
Pais	Xoán de Gante e Branca de Lencastre
Irmáns	Isabel Plantageneta; Catarina de Lancaster; Filipa de Lancaster; Joana Beaufort; João Beaufort, 1.º Conde de Somerset; Thomas Beaufort, Primeiro Duque de Exeter; Henrique Beaufort
Premios
	Orde da Xarreteira ;
	Sinatura
Descrito pola fonte	Pequeno Dicionario Enciclopédico de Brockhaus e Efron; Dicionario Enciclopédico Brockhaus e Efron; Dictionary of National Biography, 1885–1900 (en)

Para outras páxinas con títulos homónimos véxase: Henrique IV.

Henrique IV de Inglaterra, coñecido tamén como Henrique Bolingbroke, nado o 3 de abril de 1367 e finado o 20 de marzo de 1413, foi rei de Inglaterra entre 1399 e 1413, o primeiro da dinastía de Lancaster. Henrique era fillo de Xoán de Gante, duque de Lancaster, e neto do rei Eduardo III de Inglaterra.

Traxectoria

Naceu no castelo de Bolingbroke no Lincolnshire e, segundo o costume da época, era coñecido tamén como Henrique Bolingbroke.

A pesar de apoiar o seu primo Ricardo II de Inglaterra no inicio do reinado deste, axiña os dous homes entraron en conflito. Henrique acabou mesmo expulsado do país e desherdado en 1398. No ano seguinte, o seu pai morre na Aquitania e Ricardo II confisca os seus bens para a coroa. Pero o monarca non era popular nin considerado competente e Henrique valeuse diso para iniciar unha guerra aberta o 30 de setembro de 1399. O golpe é exitoso e Henrique é coroado rei de Inglaterra o 13 de outubro, na Abadía de Westminster, iniciando a dinastía de Lancaster. Ricardo II foi deposto e asasinado por precaución no ano seguinte.

En 1380, Henrique casou con María de Bohun, de quen tivo varios fillos e fillas. Xa rei, Henrique desposou a princesa Xoana de Navarra, filla do rei Carlos II, con quen non tivo descendencia.

O reinado de Henrique foi marcado por varias insurrecións populares, especialmente no País de Gales e en Inglaterra. O fracaso destas rebelións debeuse en parte á habilidade militar do seu herdeiro, o futuro Henrique V.

O fin da vida de Henrique IV foi marcado por problemas graves de saúde debidos a unha enfermidade de pel, posiblemente psoríase ou un síntoma de sífilis. Henrique morreu en 1413 e atópase sepultado na catedral de Canterbury.

A súa vida atópase retratada en Henrique IV, unha peza en dúas partes de William Shakespeare.

Descendencia

De Maria de Bohun:
- Eduardo (1382).
- Henrique V, rei de Inglaterra (1387-1422).
- Tomás, Duque de Clarence (1388-1421), morreu en batalla.
- João, Duque de Bedford (1389-1435).
- Humphrey, Duque de Gloucester (1390-1447).
- Branca (1392-1409), casou con Luís III, Elector Palatino.
- Filipa (1394-1430), casou co rei Érico I de Dinamarca, Suecia e Noruega.

Predecesor:
Ricardo II de Inglaterra

Rei de Inglaterra e Señor de Irlanda
1399 - 1413

Sucesor:
Henrique V de Inglaterra