HMGA1
Identificadores
Símbolo HMGA1
Símbolos alt. HMG-R, HMGA1A, HMGIY, high mobility group AT-hook 1
Entrez 3159
RefSeq NP_002122.1
UniProt P17096
Outros datos
Locus Cr. 6 :(34.24 – 34.25 Mb)

A HMGA1 (High-mobility group protein HMG-I/HMG-Y, proteína do grupo de alta mobilidade HMG-I/HMG-Y) é unha proteína que en humanos está codificada polo xene HMGA1 situado no cromosoma 6.[1][2]

Función editar

Este xene codifica unha proteína non histónica da cromatina implicada en moitos procesos celulares, incluíndo a regulación da transcrición de xenes inducibles, replicación do ADN, organización da heterocromatina, integración de retrovirus en cromosomas, e a progresión metastática de células cancerosas.

As proteínas HMGA1 son bastante pequenas (~10-12 kDa); son moléculas básicas, e constan de tres ganchos AT coa secuencia motivo central RGRP (Arg-Gly-Arg-Pro), un novo dominio con enlaces cruzados localizado entre o segundo e terceiro gancho AT, e unha cola ácida C-terminal característica da familia de proteínas HMG, a cal comprende as proteínas HMGA, HMGB e HMGN.

As proteínas de fusión HMGA1-GFP son moi dinámicas in vivo (determinado usando a análise FRAP), pero en contraste tamén mostran afinidade nanomolar para o ADN rico en AT in vitro (determinado bioquimicamente), que podería explicarse debido a unha ampla modificación postraducional in vivo. A HMGA1 únese preferencialmente ao suco menor das rexións ricas en AT do ADN bicatenario usando os seus ganchos AT. Ten pouca estrutura secundaria en solución pero adopta distintas conformacións cando está unida a substratos como o ADN e outras proteínas. As proteínas HMGA1 teñen unha gran cantidade de diversas modificacións postraducionais e están localizadas principalmente no núcleo, especialmente na heterocromatina, pero tamén na mitocondria e a citoplasma.

Recentemente, as proteínas HMGA1, HMGA1a e HMGA1b, poden crear enlaces cruzados coas febras de ADN in vitro e poden inducir agrupamentos da cromatina in vivo, o que suxire un papel estrutural da proteína HMGA1 na organización da heterocromatina.[3]

Atopáronse polo menos sete variantes de transcrición codificadas en dúas isoformas diferentes (HMGA1a, HMGA1b) para este xene.[4] Discútese se a variante de empalme HMGA1c con só dous ganchos AT e sen cola ácida se é un verdadeiro membro da familia HMGA.

Os ratos que carecen das variantes de HMGA1, é dicir, ratos Hmga1-/-, son diabéticos, e mostran hipertrofia cardíaca e expresan baixos niveis do receptor de insulina.[5]

Interaccións editar

HMGA1 presenta interaccións con CEBPB[6] e o factor de transcrición Sp1.[6]

Notas editar

  1. Friedmann M, Holth LT, Zoghbi HY, Reeves R (Sep 1993). "Organization, inducible-expression and chromosome localization of the human HMG-I(Y) nonhistone protein gene". Nucleic Acids Research 21 (18): 4259–67. PMC 310059. PMID 8414980. doi:10.1093/nar/21.18.4259. 
  2. Reeves R, Beckerbauer L (May 2001). "HMGI/Y proteins: flexible regulators of transcription and chromatin structure". Biochimica et Biophysica Acta 1519 (1-2): 13–29. PMID 11406267. doi:10.1016/S0167-4781(01)00215-9. 
  3. Vogel B, Löschberger A, Sauer M, Hock R (Sep 2011). "Cross-linking of DNA through HMGA1 suggests a DNA scaffold". Nucleic Acids Research 39 (16): 7124–33. PMC 3167630. PMID 21596776. doi:10.1093/nar/gkr396. 
  4. "Entrez Gene: HMGA1 high mobility group AT-hook 1". 
  5. Semple RK (2009). "From bending DNA to diabetes: the curious case of HMGA1". Journal of Biology 8 (7): 64. PMC 2736670. PMID 19664187. doi:10.1186/jbiol164. Arquivado dende o orixinal o 17 de outubro de 2015. Consultado o 18 de outubro de 2016. 
  6. 6,0 6,1 Foti D, Iuliano R, Chiefari E, Brunetti A (Apr 2003). "A nucleoprotein complex containing Sp1, C/EBP beta, and HMGI-Y controls human insulin receptor gene transcription". Molecular and Cellular Biology 23 (8): 2720–32. PMC 152545. PMID 12665574. doi:10.1128/MCB.23.8.2720-2732.2003. 

Véxase tamén editar

Outros artigos editar

Bibliografía editar

Ligazóns externas editar