Gonorrea

infección de transmisión sexual

A gonorrea,[1] do grego γονόρροια, (gonórrhoia: fluxo de seme), tamén denominada blenorraxia,[2] blenorrea e gonococia,[3] é unha infección de transmisión sexual (ITS) provocada pola bacteria Neisseria gonorrhoeae ou gonococo, cuxo hóspede específico é o ser humano. Afecta principalmente as mucosas do aparello xenital e urinario, pero tamén pode afectar a conxuntiva ocular, a farinxe e o recto. As súas características máis habituais son a secreción purulenta pola uretra no home e a consecuencia de infertilidade na muller.[4]

Gonorrea
Clasificación e recursos externos
ICD-10A54
ICD-9098
DiseasesDB8834
MedlinePlus007267
Aviso médico.
Aviso médico.
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.

Historia editar

A gonorrea recoñeceuse e describiuse dende a antigüidade, onde é mencionada en papiros exipcios, e sábese que no terceiro milenio antes de Cristo xa causaba estragos en Asia. Hipócrates fixo un diagrama da infección gonocócica, ó disecar a uretra dos homes que estaban infectados por este axente e anotou modificacións no tecido epitelial, secretación e unha estenose (estreiteza) uretral que con frecuencia acompaña á doenza non tratada.[5]

No ano 130, Galeno instaurou o termo gonorrea, proveniente do grego antigo γονόρροια, («gonórrhoia»), forma composta de γόνος («gonos»: semente, xenitais) e ῥέω, («rhêo»: fluxo); é dicir, «fluxo de semente», ou fluxo seminal, pola impresión errónea de considerar á secreción purulenta que sae pola uretra como unha espermatorrea.

A Neisseria gonorrhoeae, organismo causal da enfermidade, foi descuberta polo médico alemán Albert Neisser (de aí o seu nome) en 1879.

Epidemioloxía editar

A Organización Mundial da Saúde (OMS), estima que se producen 106 millóns de casos novos no mundo cada ano.[6] Nos Estados Unidos de América, a gonorrea foi unha das enfermidades contaxiosas de maior frecuencia dende 1965. Nese país, a incidencia de infeccións causadas por N. gonorrhoeae é de aproximadamente 375 casos por cada 100 000 habitantes. En México a incidencia descendeu na segunda metade do século XX, dende 213 casos por cada 100 000 habitantes en 1941 a 20 casos sobre o mesmo denominador en 1989. Na década de 1990, a tendencia en México mantívose descendente, cunha incidencia en 1995 e 1996 de 8,8 e 13,7 por cada 100 000 habitantes, respectivamente.

Patoxenia editar

 
Neisseria gonorrhea

Os primeiros lugares que afecta a bacteria son o epitelio columnar da uretra e endocérvix. O recto, a farinxe e a conxuntiva dos ollos tamén poden verse infectados. A vulva e a vaxina das mulleres, normalmente, tamén son afectadas, posto que están ligadas coas células epiteliais. Nas mulleres, o colo uterino adoita ser o primeiro sitio infectado.

Notas editar

  1. Definicións no Dicionario da Real Academia Galega e no Portal das Palabras para gonorrea.
  2. Definicións no Dicionario da Real Academia Galega e no Portal das Palabras para blenorraxia.
  3. Definicións no Dicionario da Real Academia Galega e no Portal das Palabras para gonococia.
  4. "Gonorrea: la perspectiva clásica y la actual" (6). doi:10.1590/S0036-36341997000600011. 
  5. "Sífilis y gonorrea; parte de su historia". Arquivado dende o orixinal o 21 de marzo de 2017. Consultado o 29 de marzo de 2017. 
  6. World Health Organization. "Global action plan to control the spread and impact of antimicrobial resistance in Neisseria gonorrhoeae" (PDF). Gonoccocal infections can be prevented through safer sexual intercourse. These infections represent 106 million of the estimated 498 million new cases of curable STIs that occur globally every year.