Gianluigi Buffon
Gianluigi "Gigi" Buffon, nado en Carrara (Massa-Carrara) o 28 de xaneiro de 1978, é un futbolista italiano, que xoga de porteiro no Parma.
| Gianluigi Buffon | |||
|---|---|---|---|
.jpg) Buffon coa Juventus en 2016 | |||
| Información persoal | |||
| Nome | Gianluigi Buffon | ||
| Nacemento | 28 de xaneiro de 1978 (43 anos) | ||
| Lugar de nacemento | Carrara | ||
| Altura | 1.91 m. | ||
| Posición | Porteiro | ||
| Información de club | |||
| Club actual | Parma | ||
| Número | 1 | ||
| Carreira xuvenil | |||
| 1991–1995 | Parma | ||
| Carreira sénior | |||
| Anos | Equipos | Aprs | (Gls) |
| 1995–2001 | Parma | 168 | (0) |
| 2001–2018 | Juventus | 509 | (0) |
| 2018–2019 | Paris Saint-Germain | 17 | (0) |
| 2019–2021 | Juventus | 17 | (0) |
| 2021– | Parma | 11 | (0) |
| Selección nacional | |||
| 1993–1994 | Italia sub-16 | 3 | (0) |
| 1995 | Italia sub-17 | 3 | (0) |
| 1994–1995 | Italia sub-18 | 3 | (0) |
| 1995–1997 | Italia sub-21 | 11 | (0) |
| 1997 | Italia sub-23 | 4 | (0) |
| 1997–2018 | Italia | 176 | (0) |
|
Partidos e goles só en liga doméstica. Club: actualizado a 4 de novembro de 2021. [ editar datos en Wikidata ] | |||
TraxectoriaEditar
Comezou a súa carreira deportiva no Parma, no que ingresou aos 13 anos, debutando profesional co primeiro equipo en 1995. Tras permanecer seis tempadas no equipo parmesano, co que gañou unha Copa Italia, unha Supercopa e unha Copa da UEFA, foi traspasado á Juventus de Turín en 2001. Militou durante 17 tempadas consecutivas no club piemontés, gañando dezanove títulos a nivel nacional (nove Series A, unha Serie B, catro Copas Italia e cinco Supercopas de Italia), ademais de disputar tres finais da Liga de Campións.
En 2018 fichou polo Paris Saint-Germain, co que conquistou a liga francesa e a Supercopa de Francia, antes de regresar á Juventus, coa que gañou tres títulos máis (unha liga, unha Copa e unha Supercopa). No 2021, xa con 43 anos de idade, volveu ao seu primeiro club, o Parma, na Serie B.
Foi 176 veces internacional coa selección italiana, coa que participou en catro Eurocopas e en cinco Mundiais. Proclamouse campión na Copa do Mundo de 2006 tras derrotar na quenda de penaltis da final á selección francesa.
En 2004, foi incluído na lista de xogadores FIFA 100 elaborada polo ex futbolista Pelé a petición da FIFA.[1] Foi nomeado mellor porteiro do mundo cinco veces pola Federación Internacional da Historia e Estatística de Fútbol. Así mesmo, obtivo diversos títulos individuais como o Premio Lev Yashin, o Balón de Prata ou o premio ao porteiro do ano na Serie A, entre outros. Foi elixido como "Mellor Porteiro do Mundo do Cuarto de Século" e "Mellor Porteiro do Mundo durante a 1ª década do século XXI" pola IFFHS.[2][3]
Con 657 partidos na Serie A, é o xogador con máis partidos na historia da competición, despois de superar en 2020 os 647 de Paolo Maldini.[4]
PalmarésEditar
ClubEditar
- Parma
- Copa Italia (1): 1998–99.
- Supercopa de Italia (1): 1999.
- Copa da UEFA (1): 1998–99.
- Juventus
- Serie A (9): 2001–02, 2002–03, 2011–12, 2012–13, 2013–14, 2014–15, 2015–16, 2016–17, 2017–18, 2019–20.
- Serie B (1): 2006–07.
- Copa Italia (5): 2014–15, 2015–16, 2016–17, 2017–18, 2020–21.
- Supercopa de Italia (6): 2002, 2003, 2012, 2013, 2015, 2020.
Paris Saint-Germain
- Ligue 1 (1): 2018–19.
- Supercopa de Francia (1): 2018.
InternacionalEditar
- Italia
- Copa do Mundo (1): 2006.
- Italia sub-21
- Eurocopa sub-21 (1): 1996.
- Xogos Mediterráneos (1): 1997.
NotasEditar
- ↑ "Pele's list of the greatest" (en inglés). 4 de marzo de 2004. Consultado o 4 de xullo de 2020.
- ↑ "Buffon best world keeper of 25 years" (en inglés). Consultado o 4 de xullo de 2020.
- ↑ "The World‘s best Goalkeeper of the 21st Century" (en inglés). Consultado o 4 de xullo de 2020.
- ↑ "Buffon supera a Maldini como jugador con más partidos en Serie A a los 42 años" (en castelán). 4 de xullo de 2020. Consultado o 4 de xullo de 2020.
Véxase taménEditar
Wikimedia Commons ten máis contidos multimedia na categoría: Gianluigi Buffon  |
Ligazóns externasEditar
- Datos do xogador en fifa.com Arquivado 10 de novembro de 2012 en Wayback Machine. (en inglés)
 |
Este artigo sobre deporte é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír. |