George Calnan
George Charles Calnan, nado en Boston (Massachusetts) o 18 de xaneiro de 1900 e finado en Barnegat Light (Nova Jersey) o 4 de abril de 1933, foi un militar e tirador de esgrima norteamericano, gañador de tres medallas olímpicas.
George Calnan | |
---|---|
Nacemento | 18 de xaneiro de 1900 |
Lugar de nacemento | South Boston |
Falecemento | 4 de abril de 1933 |
Lugar de falecemento | Barnegat |
Nacionalidade | Estados Unidos de América |
Alma máter | Academia Naval dos Estados Unidos |
Ocupación | esgrimista, oficial e aviador |
[ editar datos en Wikidata ] | |
Traxectoria editar
Membro do equipo de esgrima da Mariña dos Estados Unidos de América, participou aos 20 anos nos Xogos Olímpicos de 1920 celebrados en Antuerpen (Bélxica), onde non logrou éxito na única proba que disputaba, a competición de florete individual. Nos Xogos Olímpicos de 1924 de París participou nas modalidades de espada e florete, novamente sen éxito.
Nos Xogos Olímpicos de 1928 de Ámsterdan (Países Baixos) conseguiu gañar a medalla de bronce na competición individual de espada e finalizou quinto en espada por equipos e de florete por equipos, quedando eliminado na proba individual de florete. Nos Xogos Olímpicos de 1932 realizados nos Ánxeles (Estados Unidos) foi o encargado de realizar o xuramento olímpico dos atletas na cerimonia inaugural dos Xogos e conseguiu gañar o bronce en florete e espada por equipos, a máis de rematar sétimo na proba individual de espada.
Morreu no accidente do dirixible USS Akron. Tiña o rango de tenente do exército.