George Anson
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde setembro de 2014.) |
George Anson, nado o 23 de abril de 1697 e finado o 6 de xuño de 1762, foi un aristócrata e almirante británico, famoso por cincunnavegar a Terra.
| George Anson | |
|---|---|
 | |
| Nacemento | 23 de abril de 1697 |
| Lugar de nacemento | Staffordshire |
| Falecemento | 6 de xuño de 1762 (65 anos) |
| Lugar de falecemento | Hertfordshire |
| Nacionalidade | Reino de Gran Bretaña e Reino Unido |
| Ocupación | explorador, político, escritor de viaxes, militar e almirante |
| Pai | William Anson |
| Nai | Isabella Carrier |
| Cónxuxe | Elizabeth Anson |
| Irmáns | Thomas Anson e Janette Anson |
| Premios | membro da Royal Society e Ordem do Banho |
| Na rede | |
   | |
| [ editar datos en Wikidata ] | |
Familia e primeiros ascensosEditar
O pai de George foi William Anson de Shugborough en Staffordshire e a nai Isabella Carrier, cuñada de Thomas Parker, o the Lord Chanceler. George Anson entrou na armada en febreiro de 1712, e rapidamente ascendeu, era tenente en 1716, comandante en 1722 e capitán en 1724. Foi capitán do Scarborough e do Squirrel desde 1724 a 1730 e de 1733 a 1735. En 1737 obtivo o comando do Centurion, un navío de 60 canóns. En 1740 mentres comezaba a Guerra de Sucesión Austríaca comandou (co rango de comodoro) o escuadrón enviado a atacar as posesións españolas no Pacífico na coñecida como Guerra da Orella de Jenkin.
Viaxe arredor do mundoEditar
A expedición comandada por Anson non conseguiu a súa misión orixinal, o escuadrón consistía aen seis navíos de guerra, HMS Centurion (buque insignia), HMS Gloucester, HMS Severn, HMS Pearl, HMS Wager e o sloop (balandra de guerra) Tryal, máis dous cargueiros, Anna e Industry. Diversos desastres reduciron a forza a tan só o Centurion, o Pearl e o Severn, non puideron dobrar o Cabo de Hornos e volveron a Inglaterra, o Wager naufragou na costa de Chile. Cando Anson chegou ó arquipélago Juan Fernández en xuño de 1741 tan só comandaba tres navíos pero a ausencia de efectivos españois suficientes na zona permitiulle saquear a pequena cidade portuaria de Paita ( Perú) (13 e 15 de novembro de 1741). A diminución dos seus homes polo escorbuto e o cansazo dos superviventes (335 dos 961 iniciais) fixeron que concentrara a todos os seus homes no Centurion. Tras un descanso na illa de Tinian chegaron a Macau en novembro de 1742.
Despois de numerosas dificultades cos chineses saíu de novo ó mar para atacar o galeón de Manila, o Nuestra Señora de Covadonga, que conseguiu conquistar, cun botín de 1 313 843 reás de a oito. Anson regresou a Macau, vendeu a carga do buque español ós chineses e regresou a Inglaterra, dobrando o Cabo de Boa Esperanza o 15 de xuño de 1744.
Últimos anosEditar
Anson foi membro do Parlamento por Hedon de 1744 a 1747. En 1747 Anson comandou a frota que derrotou ó almirante de la Jonquière na primeira batalla do cabo Fisterra, capturando varios buques franceses. Anson foi promovido a vicealmirante e ennobrecido como barón Anson de Soberton. Foi Primeiro Lord do Almirantado (1757–1762).
Sete navíos de guerra levaron o seu nome, HMS Anson na súa honra, así como o condado de Anson, en Carolina do Norte e Ansonborough en Charleston, Carolina do Sur.