Galicia infinda
obra literaria de Florencio Delgado Gurriarán
Galicia infinda é un libro de poemas de Florencio Delgado Gurriarán publicado na Colección Salnés da Editorial Galaxia en 1963.[1]
| Galicia infinda | |
|---|---|
| Título orixinal | Galicia infinda |
| Autor/a | Florencio Delgado |
| Orixe | Galicia |
| Lingua | Galega |
| Xénero(s) | Poesía |
| Editorial | Editorial Galaxia |
| Data de pub. | 1963 |
| Precedido por | Bebedeira |
| [ editar datos en Wikidata ] | |
Características editar
Esta obra reuniu boa parte da súa poesía de posguerra. Está composto por cinco apartados: Cantarenas, Valdeorras, Castiñeiros, Varia e Poemas mexicanos. No libro conviven tendencias heteroxéneas, como a adopción dunha arquitectura modernista, motivos neorrománticos e recreacións de situacións e presenzas pouco habituais ata entón na literatura galega.[2] A obra ten tres tipos de poemas:
- Os que prolongan a liña do libro anterior, a evocación animista da terra natal.
- Os que fican na tradición novecentista de neorromantismo, na forma modernista representada principalmente por Ramón Cabanillas.
- Os poemas mexicanos que recollen paisaxes e ambientes aztecas, escritos nunha especie de galego crioulo mexicano.[3]
Para a Editorial Galaxia:
é unha colleita de poemas a través de vinte anos de traballo de Florencio Delgado Gurriarán, onde as tres primeira partes (“Cantarenas”, “Valdeorras” e “Castiñeiros”) recordan o estilo animista de Bebedeira (Nós, 1934), a súa primeira obra. Mais a novidade chega nas dúas últimas partes, onde inclúe algunhas mostras de poesía civil de temática galega (“Varia”) e, sobre todo, nos “Poemas mexicanos”, con novas poesías cun ton distinto e con trazos da cultura mexicana e da música do país, que o autor denominou como exemplos de “creoulismo multiétnico”.[4]
Edicións editar
Foi reeditado en Xerais en 2022 da man de Xosé Ramón Pena[5] en Galaxia no mesmo ano en edición de Dulce Fernández Graña.[6]
Poemas editar
- Galicia infinda
Galicia é infinda!
Nosa Galicia é máis ca toda a Terra.
Non é xa o cativo currunchiño
que din escolas vellas
Cómprenos desbotar antigos erros
fillos de mente estreita:
Galicia é infinda!
...[7]
- Nomes
- Resposta a Rosalía
...
Ti cantar, cantar, cantache,
cantache que ben sabías;
cantache de grasia chea:
vos groriosa da Galicia![8]
Cantarenas
- Córgomo de Valdeorras
- Moza
- Os "Trintas"
- Laios de vello
- Riu de Farelos
- A caldeira
- A malla
- Esquiadores
- Casoiro
- Enterro
- Prego final á Santa Marta, avegosa dos ouvidos
Valdeorras
- Bocarribeira valdeorresa
- Saúdo a Otero Pedrayo
...
En nome do meu val, ledo e vizoso,
tan lonxano, comesto de saudades,
Don Ramón benquerido, eu te saúdo!.[10]
- Meu peteiro peteirara
- Sinfonía parva
Castiñeiros
- O souto morto
- Andan os paxaros...
- Namórame o feitizo do tesouro...
- As xeiras do castiro
Espreguízase o vello castiñeiro,
vello petrucio, pai de cen anadas.
Ao quentor das luminosas labaradas
volve agromar, nun pulo brincadeiro
...[11]
Varia
- Pandeirada
- Domadora de serpes
- Pintura de feira
- Os gaiteiros de Montgomery
- Alvariño
- A galega en París
- Vello almanaque
Poemas mexicanos
- Noiturnio da noiva "jarocha"
- Conto sinxelo
- Xarabe tapatío
- Hai sede na nova Galicia
- Xacaranda
- Rumba
- Morelia
- Paso por mil cumes
- Paricutín
Uraupán. Tras dos outeiros
xurdeu o Paricutín
pra que os "gringos" barulleiros
poidan vir mata-lo "esplín".[13]
- Tabachín
- Manzanillo (Colima)
- Atotonilco
- Volta
- O viaxeiro
Notas editar
- ↑ Vilavedra 1995, pp. 227-229.
- ↑ Vilavedra 1995, pp. 171-72.
- ↑ Carballo Calero 1975, p. 727.
- ↑ "Galicia infinda". Editorial Galaxia. Consultado o 2022-02-21.
- ↑ Pena 2022.
- ↑ Fernández Graña 2022.
- ↑ Pena 2022, p. 175.
- ↑ Pena 2022, p. 181.
- ↑ Pena 2022, p. 193.
- ↑ Pena 2022, p. 205.
- ↑ Pena 2022, p. 217.
- ↑ Pena 2022, p. 231.
- ↑ Pena 2022, p. 253.
Véxase tamén editar
Bibliografía editar
- Fernández Graña, Dulce, ed. (2022). Florencio Delgado Gurriarán. Galicia infinda. Vigo: Galaxia. ISBN 978-84-9151-785-6.
- Pena, Xosé Ramón, ed. (2022). Florencio Delgado Gurriarán. Obra poética. Vigo: Xerais. ISBN 978-84-1110-060-1.
- Vilavedra, Dolores, ed. (2000). Diccionario da literatura galega. Obras III. Vigo: Galaxia. ISBN 84-8288-365-8.