Francisco Martelo Villar
Francisco Martelo Villar, nado o 3 de marzo de 1945 en Redondela, é un médico cirurxián galego.
| Nome orixinal | Francisco José Martelo Villar |
|---|---|
| Biografía | |
| Nacemento | 3 de marzo de 1945  (79 anos)Redondela, España |
| Cargos Presidente da Real Academia de Medicina e Cirurxía de Galicia | |
| Datos persoais | |
| País de nacionalidade | española |
| Formación profesional | Licenciado e Doutor en Medicina |
| Educación | Universidade de Santiago de Compostela Universidade Complutense de Madrid |
| Actividade | |
| Ocupación | Cirurxián plástico |
| Empregador | Complexo Hospitalario Universitario A Coruña Universidade da Coruña |
| Lingua | Lingua castelá |
Traxectoria editar
Nado en Redondela estudou na Universidade de Santiago de Compostela, na que se licenciou en 1968 e obtivo o título de doutor en 1989. Posteriormente obtivo en 1975 o título de especialista en cirurxía plástica e cirurxía xeral na Universidade Complutense de Madrid.[1]
En 1969 obtivo, por concurso-oposición a praza de médico interno e residente da Cidade Sanitaria Francisco Franco de Madrid. En 1970 comezou o seu período de formación como médico residente en cirurxía plástica, con formación básica nos servizos de cirurxía xeral e cirurxía plástica na referida cidade sanitaria. A partir do 1 de abril de 1975 foi médico adxunto contratado do Hospital Primero de Octubre de Madrid, praza que de maneira definitiva obtivo por concurso de méritos o 1 de decembro de 1975.[1]
Desde xullo de 1975 a maio de 1977 traballou no Hospital Saint George de Londres. De vola a España, o 15 de xullo de 1977 obtivo a praza de xefe da sección de cirurxía plástica do Hospital Virgen de la Arrixaca de Murcia.[1]
O 24 de setembro de 1980 foi nomeado xefe do servizo de cirurxía plástica e queimados da Cidade Sanitaria Juan Canalejo da Coruña, no que o 9 de xullo de 1981 foi nomeado director médico do centro de traumatoloxía e rehabilitación. Neste hospital (hoxe Complexo Hospitalario Universitario A Coruña) traballou até a súa xubilación en 2011.[1]
Ademais, foi profesor asociado da Universidade da Coruña, da materia de cirurxía en terapia ocupacional e fisioterapia desde 2008 a 2011.[1]
En 2021, no pleno extraordinario da Real Academia de Medicina de Galicia foi elixido presidente, por unanimidade, titular da cadeira de cirurxía plástica, estética e reparadora. Sucedeu no cargo ao profesor Xosé Carro Otero, titular de historia da medicina, falecido.[2][3]
O 16 de decembro de 2021 foi nomeado vogal electivo do órgano directivo da Fundación Barrié. O presidente da fundación, José María Arias Mosquera, explicou que o nomeamento responde á «dilatada experiencia e ao recoñecido prestixio no ámbito da saúde» de Martelo Villar, así como o seu «firme compromiso pola investigación e á contribución ao progreso da medicina».[4]
Notas editar
- ↑ 1,0 1,1 1,2 1,3 1,4 Biografía na web da RAMCG. Consultada o 11 de outubro de 2022.
- ↑ Francisco Martelo Villar, presidente de la Real Academia de Medicina de Galicia en asomega.es.
- ↑ Martelo Villar, presidente de la Real Academia de Medicina de Galicia en redaccionmedica.com.
- ↑ "Francisco Martelo Villar, nuevo vocal del patronato de la Fundación Barrié en A Coruña". La Voz de Galicia (A Coruña). 17 de decembro de 2021. Consultado o 11 de outubro de 2022.