Abrir o menú principal

O Foro Provincial de Tarraco é un sitio arqueolóxico Romano en Tarragona, Cataluña, España, que abarca unha superficie de 18 hectáreas, constituído por dúas grandes prazas porticadas que albergaban os principais edificios administrativos, relixiosos e culturais da cidade de Tarraco, capital da provincia romana Hispania Citerior Tarraconensis, na actual España. Xunto con outros restos romanos na cidade fai que o Conxunto arqueolóxico de Tarraco, fora incluído pola UNESCO na lista do Patrimonio da Humanidade no ano 2000, en concreto a identificada co código 875-003 para a praza de representación e 875-002 para o recinto de culto.

Conxunto arqueolóxico de Tarraco
Tarragona.Pretorio.jpg
Torre Pretoriana entrada a o foro provincial
Patrimonio da Humanidade - UNESCO
PaísEspaña España
Localización41°07′05.0″N 1°15′21.0″L / 41.118056, -1.255833
TipoCultural
CriteriosII, III
Inscrición2000
Rexión da UNESCOEuropa e
América do Norte
Identificador875rev

HistoriaEditar

Foi construído polos romanos no ano 73 dC, por orde do emperador Vespasiano. O seu uso mantívose ata a metade do século V, a partir do cal ocupáronse os edificios que rodeaban a praza como vivendas privadas. A partir do século XII urbanizouse o interior da praza e definiuse un trazado de rúas que se mantivo ata a actualidade. Este espazo corresponde ao entramado de rúas que conforman boa parte do barrio medieval de Tarragona.

CaracterísticasEditar

O espazo constaba dunha praza dedicada ao culto e outra máis grande de representación, máis o recinto inferior onde se atopaba o circo.

  • O recinto de culto presidía a sede do concilium, estaba situado na zona máis alta da cidade, hoxe ocupado pola Catedral, a praza da Catedral e outros edificios. Tratábase dunha impresionante praza de 153 m. por 136 m., rodeada por un muro perimetral de 9 m. de alto que sostiña a cuberta dun pórtico con columnas, duns 11 m. de ancho, que rodeaba toda a praza. No marco desta praza porticada atopábase o gran templo de Augusto, do que se saben as súas impresionantes proporcións (as columnas median uns 13,5 m. de alto), pero non a súa situación exacta.
  • A praza de representación estaba colocada nunha terraza máis baixa que a zona de culto, conectada a esta por unha gran escalinata, que coincide coas actuais escaleiras en fronte da Catedral. A praza medía 175 m. de ancho por 318 m. de longo, sendo así a praza máis grande xamais construída polo Imperio Romano. Tres dos catro lados da praza estaban delimitados por un podio elevado cuberto por un amplo espazo porticado que se apoiaba sobre un muro de pilastras (do cal aínda poder observar moitos fragmentos na cidade). Tras este pórtico alzábase unha longa bóveda, da que se conservan diversos tramos, como as chamadas bóvedas do Pallol ou do Pretorio, que, seguramente, sustentaban unha galería superior. Nos ángulos meridionais desta praza atópanse as torres da Antiga Audiencia e do Pretorio, que funcionaban como caixa de escaleiras que daba acceso desde o nivel inferior do circo á praza a e a galería superior.

EdificiosEditar

  • Consello Provincial
  • Circo
  • Tabularium (arquivo estatal)
  • Estado do tesouro
  • Curia
  • Salón de Audiencias
  • Templo do Culto Imperial

Véxase taménEditar